Namminersornerusut quppernertik nittartagaq nutarterpaat
Namminersornerullutik Oqartussat qupperneq nittartagaq nutaaq ilisaritissavaat. Siunertaavoq taassuma atuisartunit atoruminarnerulernissaa.
Qupperneq nittartagaq nutaaq siusinnerusumit www.nanoq.gl-imit allaanerulluinnartumik sananeqarpoq.
Paasissutisseeriaaseq sammisaqarfinnut aggorneqarpoq, siusinnerusukkut Namminersornerullutik Oqartussat sananeqaataat malillugu aaqqissuunneqarsimasoq. Tamatumani piumasaqaataasimavoq innuttaasut siumut ilisimassagaat takuniakkatik oqartussaaffeqarfimmut sorlermut atanersut.
Qupperneq nittartagaq nutaaq aamma immikkut tusarniaanermi isertarfeqassaaq. Tassani innuttaasut, ingerlatsiviit kattuffiillu soqutiginnittut inatsisissatut siunnersuutinut kiisalu tusarniaanermi akissutinut digitalimik isersinnaalissapput.
Nanoq nutaaq aamma teknikkikkut amerlanerusunik periarfissaqalissaaq. Ujaasinermi maskiinamik pitsaanerusumik sukkanerusumillu peqassaaq, saqqummiussanut toqqortuiffeqassalluni, inatsisinullu toqqortuivik nutaaq 2008-mi kingusinnerusukkut atugaalissaaq.