Sisimiuni suliniut-Kakkilerta

Sapigaqartuuneq nunarsuaq tamakkerlugu sukkaqisumik siaruaakkiartorpoq, maannaku Kalaallit Nunaat akuujartuinnalerpoq. Innuttaasunik misissuinerup qanoq atugaatiginera paasinarsisissavaa.

Folkesundhedsundersøgelsen har varet i ti år.

Meeqqat 10-iniit 14-inut ukiullit 309-niit Sisimiormiut Sisimiuni peqqinnissaqarfimmiit Danmarkimilu Seruminstitut-imiit allakkanik tigusaqarsimapput. Meeqqat taakku Suliniut-Kakkilerta-mik taallugu ukiut qulit matuma aallartittumik innuttaasunik misissuinermut peqataanissamut aggersarneqarput.

- Suliniut-Kakkilerta-mik taaguuserneqarsimavoq, taamanikkut meeqqat inoorlaaniit sisamat tikillugit ukkiullit siutikkut maqisoornermik anersaartuutillu aqqutaatigut aseruuttoornermik misissugarineqarsimallutik. Meeqqat uuttortarneqarlutillu oqimaassussaat uuttorneqarsimapput, qanorlu innerat pitsaasumik allaaserineqarsimallutik. Suliniut-Kakkilerta-mi suliassaq tullinnguutoq tassaavoq, meeqqat taakku ullumikkut ukiut qulit qaangiuttullu qanoq innersut paasiniassallugit. Sapigaqarnermik nunarsuarmi tamarmi nappaataaleraluttuinnartumik nappaateqarsimalernerlutik, Kalaallit Nunaanni siusinnerusukkut taamattunik nappaateqartoqanngingajavissimavoq, kisianni ullumikkut sapigaqartut tassanngaannaq amerliartupiluulersimapput, taamak stud.med. Vibe Kamper-i Seruminstitut-ip Sisimiuni misissuititaat oqarpoq.

Sapaatit akunneri marluk
Vibe Kamper-ip meeqqat 309-it misissornissaannut sapaatit akunneri marluk atugassatut immikkoortissimavai, kisianni ajoraluartumik ilaannaat takkuttarput.

- Allakkat piffissamik sioqqutsilluarlunga nassiussuukkaluarpakka. Ullut qulit naammannissaat takorloorpara, kisianni amerlaqisut naammagittaalliutigaat, allakkat aqagumut aatsaat aggertussaallutik allagarsisarsimagamik. Mannakkut tassa inuit sianerfigisaqattaassavakka, allakkkanik tigusaqarsimanersut paasiniarlugit, Vibe oqarpoq.

Misissuinerup inerneri juullimut piariissapput, taakkulu ilisimatuussutsikkut peqqissutsimullu tunngasumi atuagassiami "Peqqik,"-mi atuarneqarsinnaassapput, Vibe Kamper oqarpoq.

Powered by Labrador CMS