Nordjyllandimi kalaallit ilinniarnertik unitsippaat
Kalaallit inuusuttut Aalborgimi ilinniartunngortartut unikaapput. Oqaatsitigut piginnaasakinneq pisuutinneqarpoq.
DR/Nordjyllnad taamak ilisimatitsivoq.
Assersuutigalugu kalaallit Kofoeds Skole-p atualerseqqinniarlugit ikiorsimasaasa arlaannaalluunniit ilinniakkaminnik naammassinnissimanngillat.
- Kalaallit Nunaat nunamut inuffigisamut akuulersitsinissamut periusissamik atorfissaqartitsivoq, taanna ilaatigut oqaatsinik ilinniartitsinermik imaqartariaqarpoq. Kalaallit qallunaatut piginnaasakippallaarput, tamannalu ajorsarnerpassuanik malitseqartarpoq, isumaginninnermi siunnersorti Helle Rønn Kofoeds Skole-meersoq isumaqarpoq.
Aalborg kommunep pissutsit aaqqinniarlugit komkmunip nunami najukkani inooqataanissamut akuulersitsiniarluni ilinniarfiutaani siunissami kalaallit qallunaat atuartinneqartarnissaannik neqeroorfiginiarpai, taamak isumaginninnermut ataatsimiitsitaliami siulittaasoq Mai-Britt Iversen, Socialdemokraterne-neersoq, DR/Nordjylland-imut paasissutissiivoq.