Napparsimasut ilaqutaannut aningaasanik katersuiniarneq
Neriuffik ilaqutaasunut unnuisarfissamut katersuiniarlutik aallartippoq.
"Kalaallit kræftimik allanilluunniit nappaatillit ikiliartunngillat", Neriuffik allappoq.
Tamaattumik maanna GrønlandsBanken-imi kontomik kikkulluunniit ikisiffigisinnaasaannik pilersitsisoqarpoq, ilaqutaasut napparsimasuutiminnik Danmarkimut ingiaqataasimasunut unnuisarfissamik pilersitsiniarnermnut atorneqartussanut.
Taassuma saniatigut aamma Neriuffik junip 29-iani ukiunik qulinngortorsiorluni nalliuttorsiussaaq. Tamanna Nuummi katersosrtarfimmi aqqissuussinermik malunnartinneqassaaq.
Aqqissuussinissaq suli piariivinngilaq, kisianni Neriuffiup eqqarsaatigaa, katersortarfimmi nerriveeralersuisoqassasoq, taakkunani peqqissaq peqatigiiffimmilu sulineq pillugit paasissutissanik pissarsisoqarsinnaassalluni. Aningaasaliisussarsiorneq qanoq ikkumaarnersoq apeqqutaatillugu kaffeqarlunilu teeqarlunilu safteqarlunilu kaageqarumaarpoq.
Aamma katersortarfiup silataani arpatsitsisoqarlunilu pinnguartitsisoqassaaq.