Timmisartoq ajutoorluni mittariaqarsimasoq assartuunneqarpoq
Timmisartuaraq ungasinngitsukkut ajutoornermi kingorna Narsamut mittariaqarsimasoq maanna Narsarsuarmut timmissunneqarpoq - qulimiguullip ataanut nivinngarlugu.
Timmisartuaraq marlunnik motorilik apriilip 14-iani ajutoornerminik peqquteqartumik Narsamut miinnartariaqarsimasoq ullumikkut Narsarsuarmut timmisartuunneqarpoq - qulimiguullip ataanut nivinngarlugu.
Timmisartoq Narsarsuarmut mikkiartortilluni silarlunnera pissutigalugu Narsamut miinnartariaqarsimavoq. Timmisartoq USA-mi Floridameersuusoq Canadami Goose Bay aqqusaarlugu ingerlaarsimavoq, pilersaarutit malillugit Narsarsuarmiit Savalimmiut aqqusaariarlugit Tysklandiliartussaasimagaluarluni.
Pilersaarut taanna atorsinnaajunnaarpoq. Timmisartot ajutoortoq taanna maanna sillimmasiisartoqarfimmit Lloyds-imit Narsarsuarmi misissorneqassaaq. Iluatsitsisoqassappat timmisartoq timmeqqissinnaalissaaq. Taamaattoqanngippat aserortertariaqassaaq.
Timmisartumi issisimasut marluk mittariaqarnermi ilungersunartumi ajoqusinngillat.