Utaqqisut allattorsimaffii assigiinngeqisut
Kangia-Kitaa kommunissami meeqqeerivinnut utaqqisut allattorsimafffii assingiinngitsorujussuupput. Ikaarsaarniarnermut ataatsimiitsitaliap paaqqinnittarfinnut tunngasut assigiissarnissaat suliassarissavaat, taamnak Nuup Kommunea ingternetimi quppernermini allappoq.
Kommunit kattuffiata Kanukokap kisitsisitigut takussutissiaa naapertorlugu Paamiuni meeqqat 13-init paaqqinnissarfimmut utaqqisut 13-iupput, tassa 7,3 procentit, Nuummi meeqqat paaqqinnittarfinnut utaqqisut 23,9 procentiulutik, Ammassaliup kommuniani meeqqat paaqqutarineqarnissaminnut piariaqartitsisut utaqqisuniittut 37 procentimiillutik.
Utaqqisunut allattorsimaffiit kisimiki assigiinngitsuunngillat, aamma sulisoqarinikkut pissutsit assigiinngitsorujussuupput.
– Paamiuni perorsaasutut ilinniarsimasunik sulisoqanngilaq, Ittoqqortoormiini ilinniarsimanngitsuinnarnik sulisoqarluni. Nuummi perorsaasutut ilinniarsimasunik sulisoqaraluarpoq, kisianni suli amerlanerusunik sulisussarsiorneq ingerlavoq, Nuup kommunia internetimi quppernermini allappoq.
– Nioqqutissap akia takussagaanni assigiinngissut tassaniippoq. Ammassalimmi Nuummilu isertitakinnerpaanut paqqinnittarfinniititsineq akeerutitinneqarsimasoq, Ittoqqortoormiini inissaq ataaseq qaammammut 129 kr.-iuvoq. Paamiuni meeraaqqerivimmiititsineq 269 kr.-eqarpoq, børnehavemiititsineq 208 kr.-eqarluni.
Nalimmassaanissaq qanoq ingerlanneqassanersoq ikaarsaariarnermut ataatsimiitsitaliap suliassarisussaassavaa.