Bilitsi allakkerisarfimmi pisiariuk
POST Greenland aamma Arctic Umiaq Line TELE POST Centerini umiarsuarnut bilitsinik tuniniaanissamik nutaamik isumaqatigiipput.
Annonse
Isumaqatigiissut nutaaq 1. april 2008 atuutilissaaq. Isumaqatigiissummi pineqarput Internet-ikkut web-online atorlugu billet-inik pisissussinerit, illoqarfinni TELE POST Centerini ukunani atuuttussat; Aasiaat, Maniitsoq, Narsaq, Nuuk, Paamiut kiisalu Qaqortoq.
Illoqarfinni pineqartuni Arctic Umiaq Line-p ilaasartaataanut ilaallutik angalaniartut TELE POST Centeriniit www.aul.gl aqqutigalugu inniminniissuneqartassapput, billet-imik pisinermi akiliutaat ingerlateqqinneqartassallutik, billet-issaanillu tunisassallugit. Pisisup billet-ip tiguneqarnerata kingorna saaffiginnissutigiumasai, soorlu utertitsinerit allannguiniarnerilluunniit, angalasussap Arctic Umiaq Line-llu akornanni isumagineqartassapput.