Nunarput pillugu nittartagaq nutaaq

Angalatitseqatigiiffiit annersaasut marluk qanittukkut internetimi nittartakkanik marlunnik saqqummersitseqqammerput, taakkunani Kalaallit Nunaannut tullianik angalaniarnissamut isumassarsiortoqarsinnaalluni, greenland.com allappoq.

Albatros Travelip qullernertaani adressemi www.greenlandcruise.com saqqummerseqqammerpaa, tassani nunatsinnut umiarsuarmik sinersorluni takornariarnissatut neqeroorutit takuneqarsinnaallutik, soorlu angalatitseqatigiit namminneq angallataataat Ocean Nova atorlugu Qeqertarsuup Tunuani takornariarneq, imaluunniit umiarsuit ilisimasassarsiortartut atorlugit tunumut takornariarnerit.

Angalatitseqatigiiffiup aamma umiarsuarmik angalanerpassuit ilaat, aasat tamaasa nunatsinni eqqaanilu ingerlanneqartartut - atorlugit assit videoliallu quppersakkamut inississimavaat.

Profil Rejser-ip aamma qulaani pineqartoq peqatigingajallugu quppernertaani www.groenlandsrejse.dk saqqummersippaa. Tassani angalanissamut neqerooruterpaaluit saniatigut angalatitsiviup katalogia online-imik naqitanngorluguluunniit inniminnerneqarsinnaalluni, peqatigitillugu angalatitseqatigiiffiup nutaarsiassanik saqqummersitsivia pineqarsinnaalluni.

Powered by Labrador CMS