Apummik ilusilersuinermik festivali ajortuliorfigineqartoq
Holdit 12-it påskep ullaa-tungaani Sisimiuni Spejdersø-p eqqaani ilusilersukkatik naammassiniassallugit naapikkamik nalaataat alianaqaaq.
Annonse
Unnuakkut aserorterisimasut ilusilersukkanit 12-iusunit 9-t aserortersimavaat, ilusilersukkat peqataasut 70-it tikillugit unamminersup sapaatikkut nalunaaqutaq 15-p tungaanut naggataarnersiorluni naammassinissaata tungaanut ullorpaalunni ulapputigisimasaat, knr.gl allappoq.
Peqataasut ataatsimeeqatigiipput, taamalu inuit aserorterisuusimasut ajugaatinneqassanngitsut aalajangerneqarpoq - taamalu tamarmik ilusilersukkaminnik iluarsaassillutik aallartipput.
Knud Rasmussenip Højskoleaneersut annermik immikkut eqqorneqarsimapput, ilusilersugaat tamarluinnangajammi aserorneqarsimammat. Nutaamilli nukissanillutik nutaavimmik ilusilersuillutik aallartissimapput. Atagulimi ilusilersugaat kingulleq taanna unamminermi ajugaasooratarpoq!