Marloriaammik akiligassikkaat
Nukissiorfiit akiligassanik annertuallaanik nassiussuisimapput.
Qarasaasiani atortorissaarutini kukkuneq pissutigalugu Nuummi innuttaasut Nukissiorfinniit annertuallaamik akiligassamik nassinneqarput. Taannaligooq akilissanngilaat, taama Nukissiorfiit nittartakkamini allappoq.
– Akiligassat kingullerpaamik 30.04.2008 akiligassatut allaqqapput. Akiligassanili pineqartuni akiligassartaa marloriaammik annertussuseqarpoq taamaattumillu annertuallaalersimallutik. Atuisut qinnuigaavut taanna akiligassaq qisuariarfigissanngikkaat. Akiligassat nutaat nassiussuunneqassapput ulloq 02.05.2008 akilerneqareersimasussat, taama Nukissiorfiit nalunaarpoq.
Kiassarnermut naatsorsuutit
2007-imi kiassarnermut akiliutit inissiaatileqatigiiffimmi INI A/S-imi naatsorsorneqalerput naatsorsuinerlu pissaaq april-imut ineqarnermu akiligassap suliarinissaani.
– Akiliutinut ilassutissat utertoorutissalluunniit pillugit nalunaarutitta assilinera illit illoqarfinni allaffitsinnit marsip 31-nit tigusinnaavat, allakkerivikkut tigusimanngikkukku. Aningaasanik utertuussaguit apriilip qaammataanut 2008 ineqarnermut akiligassat ilanngaatigineqassapput, taama INI A/S nittartakkamini allappoq.
– Utertoorutissavit qaammammut ineqarnermut akiliutit sip-pussappagit, aningaasat sinneri apriilip qaammataata 2008 ingerlanerani aningaaserivinni kontonnut ikineqassapput. Tamanna aamma atuutissaaq, illuutini uagut aqutarisatsinni najugaqarunnaarsimaguit, taama INI A/S allappoq.