Kalaaleq pornomik filmiliaritittartoq

22-nik ukiulik Pipaluk Adams aningaasarsiutigalugu pornomik filmiliaritittarpoq.

22-nik ukiullip Pipaluk Adams-ip takorlooruminaatsippaa porno-mut tunngassuteqanngitsumik suliffeqarsinnaanissi.

Pipaluk Adams, imminut Paris Natalia-mik taagortoq, pissianilu Ringstedimi najugaqarpoq aningaasarsiutigalugulu porno-mik filmiliaritittartuulluni.

1985-imi Nuummi Dronning Ingridip Napparsimmavissuani inunngorpoq. Angutaa Sofus kalaaliuvoq arnaalu Silvana italiamiuulluni.

– Atisanik nalinginnaasumik assilisittartutut aallartippunga. Taavalu tamataqarnanga assilisittartunngorpunga maannalu pornomik filmiliaritittalerlunga, taama oqarpoq Pipaluk Adams atuagassiami Arnanut-mi tallimanngorneq martsip 28-iani saqqummersumi.

– Suliara ajunngitsuliornermik sulinertut isigaara. Sammisaqarfinni pitsaasorpassuaqarpoq kusanartumillu aningaasarsiutigalugulu assilisittartutut pineqartarpugut. Uannut porno pitsaasuuvoq. Tassami pinngitsaaliinerit 3 procentii pinngitsoortittarpai, taama Pipaluk Adams oqarpoq.

Porno-liornermi ilitsersuisalerumavoq
Ukiut qulit qaangiuppata sulerissavit?

– Suli pornolerissaanga. Namminerli assilisittartuunngitsutut, ilitsersuisutulli.

– Atorfimma ajortortai takujuminaatsippakka. Nuannareqaara. Allamik suliaqassallunga eqqarsaatigisinnaanngilara, Pipaluk Adams oqarpoq.

Annerusumik atuarsinnaavutit Arnanut-mi nutaami.

Powered by Labrador CMS