Ilut akitsorterussat
Inissiaatileqatigiiffik INI A/S boligstøtte-kkut illulianik akitsorterussivoq.
Illut 16 boligstøtte aqqutigalugu sananeqarsimasut maanna qaffasinnerpaamik akiliiumasunut tuniniarneqarput. Illut Uummannap, Nanortallip, Maniitsup aamma Paamiut kommuniiniipput. Illut amerlanersaat nunaqarfinniipput.
– Ilaanneeriarluni boligstøttemit illuliaasimasut Nunatsinni aviisit aqqutigalugit annerpaamik akiliiumasunut tuniniarneqartarput. Taamaaliornikkut illumik pisinissannut periarfissaqarputit. Illu annerpaamik akiliiumasumut tuniniarneqarpat tamatumani illu aalajangersimasumik akeqartinne-qarneq ajorpoq. Kikkulluunniit tamarmik illumik pisiumasut neqeroorut allaganngorlugu nassiussinnaavaat, tassuunakkut illumut qanoq akiliiumanerlutik nalunaarutigalugu, taama INI A/S nittartakkamini allappoq.
Akimik taggissaqarnissamut killigitinneqarpoq 4. april 2008.