Nuummi inissiat amerlanerusut
Naalakkersuisut Nuummi illuliortiternissamut piffisaliussassatut pilersaarut aasaaneranni sulinngiffeqareernerup kingorna suliarissavaat. Anguniagaavoq Nuummi ukiumut inissiat 50-it sananeqartarnissaat.
Inissaaleqinerujussuaq qaangerniarlugu Nuup illoqarfiani Nuussuarmilu imminnut akulikinnerusunik sanaartortariaqarpoq, taamak attaveqarnermut aatsitassarsiornermullu naalakkersuisoq Kim Kielsen tusagassiorfinnut nalunaarummi nalunaarpoq.
– Naalakkersuisoqarfimma Nuup illuaqarfiani illut imminnut qaninnerulersinnaanerannut periarfissat misissorsimavaat. Radiop Qaqqaani nunaminertami inissiat 100-t tikillugit sananeqarsinnaanissaat nalilerneqarpoq, Kim Kielsen oqarpoq.
Nuummi illuliortiternisssamut nunaminertat amigaatigineqarput. Taamaattumik nutaanik sanaartukkat imminnut qaninnerusariaqarput.
– Illoqarfiit pingaarnersaanni inissaaleqinerujussuaq taamak annertutigitillugu nunaminertat atorneqanngitsut atorneqarnissaat naleqqutissaaq, illoqarfimmut annermillu inissarsiortunut iluaqutaasussanngorlugillu nuannaarutissanngorlugit.
– Taamaattumik kommunalbestyrelsinngortussap nunaminertitat neriorsuutigineqartut sanaartorfiusinnaasunngorlugit akuersissutiginissaanut qilanaarpunga, taamalu tamatta immikkut allaffeqarfitta aasaanerani sulinngiffeqarnissaq sioqqullugu tigussaasumik piffissaliisinnaalernissaanut qilanaarpugut, Kim Kielsen oqarpoq.