Akiuussinnaasumik bakteriallit immikkoortinneqartut
Peqqinnissaqarfimmi sulisut illersuutinik atisalertariaqartarput Maniitsumi anaanaq qitornaalu inoorlaaq passutissagaangamikkit.
Anaanaq inoorlaamik qitornalik timimigut akiuussinnaasumik bakteriaqalersimavoq maannalu Maniitsup napparsimmaviani paaqqutarinninnermik immikkoortoqarfimmi immikkoortitaalluni.
– Bakteria arnap timaanut pisimasoq HIV-milluunniit ulorianarnerungajappoq, Maniitsumi nakorsaaneq Hans Johnsen Sermitsiamut oqarpoq.
Bakteria akiuussinnaasoq, arnap timaanut pisimasoq, ateqarpoq MRSA, Kalaallit Nunaannilu qaqutigoortorujussuulluni. Peqqinnissamik nakkutilliisoqarfiup Sermitsiamut paasissutissiissutigaa manna tikillugu isumaqartoqarsimasoq Kalaallit Nunaat MRSA-mik peqanngitsoq.
Bakteria akiuussinnnaasoq paasineqarpoq, sapaatip akunneri pingasunngulersut matuma siornatigut arnaq iviangimi aappaatigut aseruuttoormat.
Pisimasumi Statens Serumsinstitut akulerutsinneqarsimavoq, maannalu arnaq sunniuteqarluartumik katsorsarneqarpoq, Hans Johnsen erseqqissaavoq.
Annerusumik atuarsinnaavutit Sermitsiami tallimanngornermi saqqummersumi.
Læs mere i fredagens udgave af Sermitsiaq.