Ilisimatusarfimmi siulersusut nutaat
Naalakkersuisut toqqarpaat inuit aqqanillit Ilisimatusarfiup siulersorneqarnerani siuttuusussat.
Ilisimatusarfik aatsaavik siulersoqalerpoq. Aqutsiermutinatst nutaaq januaarip aallaqqaataani atuleinngikkallarmat Akademisk Rådi, ilinniartitsisunik ilinniartunillu ilaasortaqartoq, qullersaavoq.
Siulersuisuni ilaasortaq ataaserluunniit politikeriunngilaq.
Ilaasortat tallimat Ilisimatusarfimmi ilinniartitsissut, ilinniartut sulisullu allat inassutigaat, pingasut Ilisimatusarfimmit inassutaapput pingasullu naalakkersuisut namminneq toqqarpaat.
Ukuuppullu:
Cand.scient.pol. Birger Poppel, Ilisimatusarfimmi pilersaarusiornermut pisortaq, Ilisimatusarfimmi ilisimatusaatinut ilinniartitsinermi ilisimatusartunit ilinniartitsis, sunillu qinerneqartoq, cand. brom. Britta Lohmann, Ilinniarfissuarmi adjunkti, Ilisimatusarfimmi ator-finissutaasinnaasumik ilinniarfinni ilisimatusartunit ilinniartitsisunillu qinerneqartoq, Lone Rosengreen Pedersen, Allaffissornermut Institutimi ilinniartoq, Ilisimatusarfimmi ilisimatusaatinut ilinniartitsinermi ilinniartunit qinerneqartoq, Klaudia Petersen, Peqqissaanermik Ilinniarfimmi ilinniartoq, Ilisimatusarfimmi atorfinissutaasinnaasumik ilinniarfinni ilinniartunit qinerneqartoq kiisalu aalisarnermut tunngasuteqartunut kandidati Esekias Therkelsen, Inerisaavimmi naliliisarnermut suleqataasoq, Ilisimatusarfimmi teknikkikkut suliaqartunit qinerneqartoq.
Cand.mag. pædagogikimi Karla Jessen Williamson, seniorforsker, cand.mag. antropologimi Anne Knudsen, Weekendavisimi aaqqissuisuuneq kiisalu inuiaqatigiilerinermi cand.mag. Tove Søvndahl Pedersen, sinniisoqarfimmi pisortaq, naalakkersuisunit toqqarneqartut Ilisimatusarfiup siunnersuuteqareerneratigut.
Cand.merc. Robert Mossing, KIIIN-imi ilinniakkanut tunng. aningaasalersuinermik suliaqartoq, cand. comm. oqaatsinut Arnaq Grove, Københavnip Universitetiani eskimologeq kiisalu cand.mag. filosofimi Mininnguaq Kleist, naalakkersuisut allattoqarfiat, tamarmik naalakkersuisunit toqqarneqartut.
Siulersuisut tassaapput, Ilisimatusarfimmi qullersaallutik oqartussaasut pisussaaffigissallugulu Ilisimatusarfiup ilisimatusarfittut ilinniarfittullu soqutigisai isumagissallugit kiisalu Ilisimatusarfiup ineriartorneranut aaqqissuussaaneranullu najoqqutassiussallutik.
Siulersuisut Naalakkersuisunut Ilisimatusarfiup ingerlatsinera pillugu akisussaapput, tassunnga ilanngullugu aningaasaqarnikkut ingerlatsineq aamma Ilisimatusarfiup rektorianik atorfinitsitsisarlutillu soraarsitsisarneq.
Siulersuisunngortut Ilisimatusarfiup aqunneqarneranut inatsit 1. januar 2008 atulersoq tunngavigalugu pilersinneqarput.