Nanortalimmi isertitat marloriaammik qaffattut
Nanortalimmi innuttaasut 2006-imi isertitamik agguaqatigiisillugu 8,4 procentimik qaffariarnerat malugisimavaat. Nuna tamakkerlugu qaffaatip marloriaataa.
Annonse
Ilaatigut Nalunami eqqaanilu kuultisiorneq kisitsisit taamak qaffasitsigineraannut peqqutaavoq, Kalaallit Nunaanni Naatsorsueqqissaartarfik nalunaarpoq.
Isertitat nuna tamakkerlugu agguaqatigiisillugit 4,1 procentimik qaffassimapput.
Isertitat akileraarusigassaatitaasut 2006-imi agguaqatigiisillugu 169.000 kr.-iusimapput. Nioqqutissat akiisa qaffaataannut aaqqillugu akissarsiat qaffaaterpiaat tassaavoq 1,8 procent. Taamaalilluni innuttaasut pisissutigisinnaasaat 2006-imi amerleriarsimapput.