Savat 70-it perlertut
Nersutit nakorsaanerata savaateqarfik Nuup Kangerluaniittoq, Neriunaq, politiinut unnerluutigaa paarsinerlunnermik pasillugu.
- Kapisillit eqqaanni savaateqarfimmik?Neriunamik piginnittut politiinut ingerlaannaq tunniunniarpakka paarsinerlunnerannik unnerluutigalugit, Namminersornerullutik?Oqartussani uumasut nakorsaanerat Lasse Holm oqarpoq.
Savaateqarfik pigineqarpoq Gorm B. Kjeldsenimit Frank Rasmussenimillu.
Neriunami saavat 300-t missaanniipput, taakkualu sisamararterutaasa missaat maanna perlerlutik toqusimapput. Annilaanngatigineqarpoq ulluni aggersuni suli amerlanerusut toqussasut.
Tusarfik Sermitsiamut oqarpoq savaateqarfimmik nakkutilliisup Thomas Egedep sapaatip akunnerisa arlallit matuma siornatigulli piginnittut paasitissimagai savanut ukiumi nerukkaatissanik ajornartorsiuteqartoq. Piginnittulli aatsaat februarip qiteqqunnerani qisuariarsimapput.
Nerukkaatissat februarip 13-ianni inniminnerneqarsimapput naatsorsuutigineqarporlu savaateqarfimmut Neriunamut tikissasut martsip 12-ianni.Savaateqarfimmik Neriunamik piginneqataasup Frank Rasmusenip savarpassuit toqusimanerat ilisimannginnerarpaa.
– Pisimasoq ilisimasaqarfiginngilara, Sermitsiamut oqarpoq.
Sermitsiaq atuaruk.....