Ukiorlunnerata qimmit eqqorpai
Sisimiuni qimussersartut peqatigiiffiat qimmit nerisassaqartinnissaat qularnaarniarlugu attaveqaqatigiiffimmik pilersitsiniarluni sulivoq.
Umiatsiaaqqamik aalisarneq puisinniarnerlu Sisimiuni qimussit qimmiinut pingaarutilerujussuupput. Sisimiuni umiarsualivik eqqaalu maanna sivitsortumi sikoqqasimalerpoq, taamaanneranillu puisit aalisakkallu pisat ikinnerusimapput. Tamannalu qimutssit qimmiinut eqquivoq.
Maanna qimussersartut peqatigiiffiat Qimusseq attaveqaqatigiiffissamik pilersitsiniarluni suliniuteqalerpopq, sinerissamiit qimmit nerukkaatissaannik qularnaarinnittussamik.
– Sineriassiarmut isorartoqaaq, taamaattumik sinerissap ilaani allami nerisassiassat atorfissaqartitagut pigineqarsinnaapput. Taamaattumik attaveqaqatigiiffinnik Sisimiuni qimmit nerisassaqarsinnaanissaannut qularnaarinnittunik pilersitsiniarpugut. Qimussersartut peqatigiiffiat pisiniartuussanngilaq. Qimmiutillit ataasiakkaat manninneq pisiniartassapput. Peqatigiiffik taamaalllat attaveqarfissamut attaveqartitsinissaq isumagissavaa, Hanseeraq Olsen Qimusseq-meersoq Sermitsiaq.gl-imut oqarpoq.
Uunga attaveqartoqarsinnaavoq:
Hanseeraq Olsen 528627
Jens Peter Berthelsen 527366