Alluitsumi pilersaarut unitsinnagu
Kalaallit Nunaata kujataani katersugaasiviit Alluitsumi pilersaarutip unitsinneqarnera ajuusaarnartutut isigaat, taamalu suliniuteqartuusut pilersaarummik aallartiteqqeqqullugit kajumissaarlugit.
– Illut tammatsaaliugassatut nalillit tamatsaaliorneqarnissaannut aningaasassarsiornerit immikkullu ilisimasalinnik ikiortissarsiortarnerit ajornaatsuinnaanngillat - ajornartorsiutit uagut katersugaasiveqarfiit ukiorpassuarni sorsuutigisarsimasagut, kalaallit nunaata kujataanni kommunini pingasuni katersugaasivinni piosrtaasut Ole G. Jensen, Qaqortup Katersugaasivianeersoq, Klaus Jakobsen Nanortaliup katersugaasivianeersoq kiisalu Rie Oldenbrug Narsami katersugaasivimmeersoq tusagassiorfinnut nalunaarummi allapput.
– Illu oqaluttuarisaanermik imaqartoq aserfallakkaangat aningaasaateqarfimmit tapiiffigitinniarneq ajornakusoortuuvoq. Taamalu nalaatsornikkut aningaasassarsituaraanni atortunut qanganitsanut suleriaatsinullu nunatsinni immikkut ilisimasallit amigaatigineqartarput.
– Alluitsumi pilersaarutip marluk taakku qularnaassagaluarpai - illutoqarsuit nutaanngitsut iluarsaanneqarlutik peqatigitillugulu kalaallit sanasut kulturikkut kingornussat ilaasa pingaarutillit pigiinnarneqarnissaannut peqataasinnaalernissaannut ilinniartinneqarnissaat - illut maanna akulikippallaamik iserfallallutik nunguinnartartut isigiinnartariaqakkagut, katersugaasivinni pisortat pingasuusut allapput.
Taamaattumik taakku pilersaarummut akuusut ilungersortumik qinnuigaat,pilersaarut aallarteqqeqqullugu, massakkut unitsinneqarneratigut annaasannat angivallaaqimmata.