Svend Junge aqqusinermut atsiunneqassaaq
Jagtvejip ilaa siunissamik Svend Jungep Aqqutaa-nik ateqalissaaq.
Nuummi kommunalbestyrelsi ataasinngormat ualikkut aalajangerpoq, aallarnisaasoq eqqumiitsulianillu katersaateqarsimasoq Svend Junge 2007-imi februaarip 21-iani toqusoq aqqusinermik atserneqassasoq.
Aningaasaqarnermut ataatsimiitsitaliap aamma Teknikkeqarnermut Avatangiisinullu ataatsimiitsitaliap siumut innersuussutigereerpaat jagtvejip ilaa Dronning Ingridsvejimiit Sipisaq Kujalliup tungaanut nutaamik atertaartoq: Svend Jungep Aqqutaa.
Atip allanngortinnissaanut siunnersuut peqatigiiffimmit Nuuk City-mit aamma kommunalbestyrelsimut ilaasortamit Lene Knüppel-imit Demokraatineersumit saqqummiunneqarpoq.
Nuup Kommuneani sumiiffiit atiinut ataatsimiitsitaliap siunnersuummut aamma tapersersuisuusup ilisimatitsissutigaa, aqqiserngit illoqannginnersallu aterneqassatillugit piumasaqaatit arlallit eqqortinneqarsimasussaasut.
Atsiinissami inuk toqukkut qimagussimasoq Nuummut immikkut ittumik attuumassuteqarsimasoq imaluunniit Kalaallit Nunaannut annertuumik sulissussisimasoq taamalu illoqarfiit pungaarnersaanni nersorneqarnissaminut piukkunnaateqalersimasoq atsiunneqarsinnaasoq.
Aamma inuup pineqartup kingusinnerusukkut uparuartorneqalinnginnissaa pingitsoorniarlugu sivikinnerpaamik ukiumik ataatsimik toqungareersimanissaa piumasaqaataavoq.
Atermik allannguineq illoqarfiup ilaanut pilersaarummut nutaamut attuumassuteqassaaq, Jagtvejimi Napasuliat marluusut akiani niuertarfiliortiternissamut, allaffiliortiternissamut inissialiortiternissamullu ammaanneqarpoq.