Nakorsaq: Kalaallit suliniarnerat ajunngilaq
Nappaatip siaruaatinnginnissaa anguniarlugu ilungersuutigineqarpoq, taamak Rigshospitalimi nappaatinik tuniluuttunik bakkutilliisoqarfimmi nakorsaaneq pisortaq Åse Bengård Andersen nutaarsiassaqartitsivimmut Nyhesbureauet Newspaq-imut oqarpoq.
- Ilumut pimoorullugu pisimapput. Suliniutissat arlaqarput, tassami nappaat ajornaatsuinnaanngilaq. Maannamullumi aamma annertuumik suliniuteqareerput, Åse Bengård Andersen Newspaq-imut erseqqissaavoq.
Taassuma oqaluttuaraa, kalaallit nunaanni namminersornerullutik oqartussat pualluummut nuna tamakkerlugu akiuiniarnermut pilersaarut tamaat allanngortissimagaat, aammalu meeqqat tamarmik nappaammut nakorsarneqarnissat qularnaarniarlugu sulisut amerlisimagaat.
Kisianni aamma inuit nappaammik tunillaassuisut ukiorpassuarni nappaateqarsimasut nassaariniarnissaannut nukiit atorneqarsimapput. Tassami nappaatip siaruaakkiartulersimaneranut taakkorpiaat peqqutaasinnaapput, nappaat nungutingajalluinnarneqarsimagaluarpoq.
Ajornakusoorsinnaavoq, taamaattumik uallaammut akiuiniarnermut suliniarnerup annertusineqarneranut atatillugu meeqqat tunillatsissimasut amerlassusaasa ikiliartupallassinnaanissaat naatsorsuutigisinnaanngilarput, Åse Bengård Andersen oqaluttuarpoq.
- Ukiorpassuit ingerlasinnaavoq. Kisianni imaaginnarpoq, nappaat taamaattoq ullormiit ullormut illuanut saateriarneqarsinnaanngitsoq, Åse Bengård Andersen oqarpoq.