Sisoraatinik Qalasersuarmut Avannarlermut
Nunarsuarmi rekorti: Russit issittumi ilisimasassarsiortartut marluk - Matvey Shparo aamma Boris Smolin - tallimanngormat Qalasersuaq Avannarlermiit qummoroortartumik aallartitsipput.
Qaammatini pingasuni ilungersunartorsioreeqalutik - Ruslnadip avannarpasinnerpaartaaniit Kap Arktichesky-miit juulli ullut marluk sioqqullugu aallarlutik - ilisimasassarsiortartut taakku mattusuut Qalasersuarmut Avannarlermut tutipput, taamaalillutillu marluullutik oqaluttuarisaanermi siullersaallutik kaperlaap nalaani sisoraaserlutik Qalasersuarmut annguttuullutik.
Angusap annertussusia præsident Putin-ip iluatsilluartumik anngunnerup akunnialunnguit kingorna pilluaqqussutaani eqqueqqissaartumik oqaatigineqarpoq: "Aammaarlusi qularnaateqanngilluinnartumik inuup piginnaassusaa, tarnip imaqarsinnaassusia, akiussinnaassusia piumassutsillu nukittunera takutissimavarsi. Nunarsuatta noorpiaa taartuinnarsuakkut sikukkut saatsersutigut 1000 km sinerlugu iserorartussusilik aqqutigalugu ilisimasassarsiornissinni ilungersunartorsiornerit imaannaanngitsut atorlugit anguarsi."
Nunanit tamanit ilisimasassarsiortartunit tamanit pilluaqqussutit imaaginnavissimapput - ajugaasimaarnerujussuup iluaniipput.
Matvey aamma Boris ilisimasassarsiornertarnerpassuarmi ilaanni kalaallit nunaata sermersua russeq innarluutilik peqatigalugu itivissimavaat.
Aamma 2006-imi fyrst Albert II Maonarco-meersoq Qalasersuarmut qimussernermi 100 kilometerit kingulliit ilaasorisimavaat.
Ilisimasassarsiorumatuut mattusuut taakku marluk arlaleriarlutik Kalaallit Nunaanniittarsimasut kalaallinillu ikinnguteqartut Qalasersuarmi seqernup marsip 21-iani nuinissaa utaqqeqqaarlugu uterniarlutik aalajangersimapput.
Ukiut 100-ut matuma siorna 1908-mi Qalasersuaq Avannarleq siullerpaamik angoriarneqarpoq, taamanikkut Frederic Cook canadamiut inuit marluk peqatigalugit qimussimik sikukkut Qalasersuaq Avannarleq anguniarsimammassuk.