Storm Ludvigsen kommunimi politikeritut piukkunnassuseqanngitsoq
IA-mi taaguunneqarnerpaat Storm Ludvigsen politikerillu allat tallimat qinigaasinnaanermut ataatsimiitsitaliamit qinigaasinnaassuseqanngitsutut nalilerneqarput. Tamakku pipput nakuuserneq, tillinniarneq uumasumillu naalliutsitsisimasutut pineqaatissiisimanerit kingorna.
Ikaarsaariarnermut ataatsimiitsitaliassanut apriilip 8-ni qinersereernerup kingorna apeqqut qinigaasinnaanermut ataatsimiitsitaliap suliarisimavaa.
Ataatsimiitsitaliap aalajangernerata kingorna Storm Ludvigsen, IA sinnerlugu Kangia-Kitaa kommunimut qinigaasoq, aamma Karl Tobiassen, siumut sinnerlugu Avannaata Kommunainut qinigaasoq, taakku sinnissussaannit taarsertariaqalerput, tassaasut Esmar Bergstrøm aamma Bernhard Olsen.
Taakku saniatigut aamma sinnisussat sisamat qinigaasinnaanngitsutut nalilerneqarsimapput.
Ataatsimiitsitaliap tunngavilersuutai ukuupput:
Storm Ludvigsen
Storm Ludvigsenip, Kangia-Kitaa kommunimut ikarsaariarnermi ataatsimiitsitaliamut ilaasortatut qinigaasup qinigaasinnaassutsini annaavaa. Ataatsimiitsitaliap aalajangerneranut Kalaallit Nunaata Eqqartuussiviata pineqaatissiissutaa 2003-mi oktobarip 10-aneersoq tunuliaqutaavoq. Taamanikkut storm Ludvigsen pineqaatissinneqarpoq, pinerlunnermut inatsisip § 78, imm. 1 - Nuummi KNI Pisiffimmiit 10.696,00 kr-inik tillinniarnermit tillitanit 1.000 kr.-inik tunineqarsinamermigut atuisimasutut, aammalu aningaasanit tillitanit suli aamma atuisimasutut pineqaatissinneqarluni.
Storm Ludvigseni ikaarsaariarnermi ataatsimiitsitaliamut Esmar Bergstrømimit Inuit Ataqatigiinnersumit taarserneqarpoq.
Karl Tobiassen
Karl Tobiassenip Avannaata Kommunanut ikaarsaarianermut ataatsimiitsitaliami ilaasortassatut qinerneqartup aammalu Ummannami kommunalbestyrelsemi ilaasortaasup qinigaasinnaasutsini annaavaa. Ataatsimiitsitaliap aalajangernerminut tunngavilersuutigaa akiliisinneqarnissamut piumasaqaat Kalaallit Nunaanni poltimestereqarfimmiit 2008-imi februaarip 19-ianeersoq - Uumasunik naalliutsitsineq, takuuk Qimmit qimuttut pillugit Inatsisartut inatsisaat nr. 18, 301098-imeersoq il.il.. § 28, imm. 1, takuuk § 14 aamma § 15, imm. 1 aamma imm. 3, Qaarsuni Uummannap pigisaani 2007-imi 26. septemberip tungaanut qimmini qimuttut 18-init sumiginnarsimammagit, tassani qimmini naammattumik nakkutigisimanagillu nerisittarsimannginnamigit, tamatumalu kingunerisaanik qimmeq ataaseq toquttariaqarsimalluni.
Han erstattes af Bernhard Olsen, Siumut.
Jensine Berthelsen
Jensine Berthelsenip Kangia-Kitaa Kommunimi ikaarsaariarnermut ataatsimiitsitaliami sinniisussatut ilaasortanngortup qinigaasinnaassutsini annaavaa. Ataatsimiitsitaliap aalajangernerminut tunngavilersuutigaa Jensine Berthelsen Sisimiut Eqqartuussiviani 2005-imi januaarip 18-iani pineqaatissinneqarpoq, Jensine Berthelsen ukiumi ataatsimik sivisussusilimmik piumasaqaatitalimmik pineqaatissinneqarpoq, pinerlunnermut inatsisit § 72-iannik - tillinniarneq - unioqqutitsisimasutut, 2004-mi februaarip 5-iani Hotel Sisimiut-ni immiaaqqanik, sodavand-inik, viinninik imigassanillu kimittuunik 1.598,00 kr.-nit nalinginut tillinniarsimasutut.
Jim Riis
Jim Riis-ip Kujataata Kommunianut ikaarsaariarnermut ataatsimiitsitaliamut sinniisussatut qinigaasup qinigaasinnaassutsini annaavaa. Ataatsimiitsitaliap aalajangernerminut tunngavilersuutigaa Qaqortup Eqqartuussiviata pineqaatissiissutaa 2005-imi juunip 28-ianeersoq, Jim Riis pinerlunnermut inatsisit § 60-iannik - nakuuserneq - unioqqutitsisimasutut pineqaatissinneqarsimalluni.
Inuaraq Petersen
Inuaraq Petersenip Avannaata Kommuniani ikaarsaariarnermut ataatsimiitsitaliamut sinniisussatut qinerneqartup qinigaasinnaassutsini annaavaa. Ataatsimiitsitaliap aalajangernerminut tunngavilersuutigaa Kalaallit Nunaata Eqqartuussiviata pineqaatissiissutaa 2007-imi novembarip 23-ianeersoq. Inunnguaq Peterseni pinerlunnermut inatsisit § 60-iannik - nakuuserneq - unioqqutitsisimasutut pineqaatissinneqarsimalluni.
Elias Larsen
Elias Larsenip Avannaata Kommunianut ikaarsaariarnermut ataatsimiitsitaliamut sinniisussatut qinigaasup qinigaasinnaassutsini annaavaa. Ataatsimiitsitaliap aalajangernerminut tunngavilersuutigaa, pinerlunnermut inatsisit § 65-iannik - uumasunik naalliutsitsineq - unioqqutitsisimaneq tunngavigalugu Kalaallit Nunaanni politimetsereqarfimmiit pineqaatissiissut 2007-imi oktobarip 3-ianeersoq, takuuk uumasut illersorneqarnissaat pillugu Inatsiartut inatsisaat nr. 25, 181203-imeersoq, takuuk § 3 aamma § 5, kiisalu Qimmit qimuttut il.il., pillugit Inatsiartut Inatsisaat nr. 18, 301098-imeersoq, takuuk § 28, imm. 1, takuuk § 1, 2006-imi septembarip 29-iat sioqqullugu Upernaviup pigisaani nunaqarfimmi Nuussuarmi qimminut inissiivimmi qimmit qimuttut inuup allap pigisai 20-it naaliutsissimagamigit, qimmit naammattumik nerisittarsimanagillu imertittarsimannginnamigit, tamatumalu kingunerisaanik qimmit marluk toqunneqartariaqarsimallutik.