Sermitsiaq - aamma Danmarkimi
Poorskereerpat atuagassiaq SQ ilanngunneqartalissaaq. Atuagassiaq Danmarkimi atuartartunut naleqquttunngorlugu suliarineqartassaaq Jyllands-Postenillu tapiatut saqummertassalluni.
SQ nutaamik aaqqissuusseriaaseqarluni suliarineqartartussaq siunissami ukiumut arfinileriarluni Sermitsiamut tapiulluni saqqummertassaaq sammisassanut assigiinngitsunut, soorlu biilinut, angallatinut, illunut, IT-mut, aallaaniarnermut, aalisarnermut, atisanut mutinut allarpassuarnullu sammisuusarluni.
SQ Sermitsiap Kalaallit Nunaanni tusagassiornikkut siuttutut inissisimanera aalajangiusimaniarlugu nukittorsarniarlugulu saqqummersinneqartassaaq, aaqqissuisuuneq Poul Krarup nassuiaavoq.
- Ullumikkut tusagassioriaatsit assigiinngitsut atorpagut soorlu internettekkut aviisi sermitsiaq.gl, Sermitsiaq nalinginnaasoq naqinneqartartoq, arnanut aviisi Arnanut kiisalu Nuuk Ugeaviisi. SQ-lu atorlugu suli ingerlaqqissaagut, Kalaallit Nunaat tamaat angujumallugu - inuusuttut ingersimasullu, angutit arnallu, illoqarfimmiu nunaqarfimmiulluu, kalaallit qallunaallu.
SQ Danmark ukiumut sisamariarluni Jyllands Postentimut tapiulluni saqqummertartussaq qallunaanut atuartartunut sammisitaasussaavoq.
SQ Danmark suliffissarsiortunut aviisiusussaavoq, tassungalu katersortassavagut Danmarkimiit sulisussarsiorluni annoncet, tassanilu aamma nunatsinni suliffeqarfiit angisuut mikisullu imminnut annonceliinermikkut ilisaritissinnaasassapput.
Atuagassiap aamma imarisassavai suliffiit, ilinniarfissat, pisortatit atorfiit qaffakkiartornissamullu periarfissat, siunnersuuutit, suleqatigiinnik qaffassaanerit assigissaallu pillugit allaaserisat kiisalu suliffeqarfinnik ingerlalluartunik pisortaasunik pisoertallu allaffissuini pisortanik oqaloqatiginninnerit.
- SQ Danmark aqqutigalugu aamma Kalaallit Nunaanni inuussutissarsiortunut oqaatigissavarput sulisussarsiorluni Danmarkimi annonceliisarneq aningaasanik atuilussinnarnerusarnerarlugu oqartarnerput ilumoorukkipput. Sermitsiaq Job sulisussarsiorluni annonceliiffissatut naleqqulluinnartuuvoq - nettekkut SQ Danmarkikkullu, Poul Krarup tikkuaavoq.
SQ inooriaatsimut tunngasunik imaqartassaaq nutaaliaasumik aaqqissuussaq, siunissami ukiumut arfinileriarluni Sermitsiap tapiatut saqqummertartussaq.
SQ Danmark aqqutigalugu aamma Kalaallit Nunaanni inuussutissarsiortut oqarfigissavagut sulisussarsiorluni Danmarkimi annonceliisarneq aningaasanik atuilussinnarnerunerarlugu oqartarnerput pimoorukkipput, aaqqissuisuuneq Poul Krarup oqarpoq.