Knud Rasmussen angalaqqaaqqaartoq

Umiarsuit nakkutilliissutit nutaat aappaat Kalaallit Nunaannukarpoq, Berlingske Tidende allappoq.

Det nye inspektionsskib, da det blev klargjort på Karstensens Skibsværft i Skagen i november.
Skjoldet på Knud Rasmussen symboliserer flere ting fra Grønlands historie.
Det nye inspektionsskib, da det blev klargjort på Karstensens Skibsværft i Skagen i november. Skjoldet på Knud Rasmussen symboliserer flere ting fra Grønlands historie. Det nye inspektionsskib, da det blev klargjort på Karstensens Skibsværft i Skagen i november. Skjoldet på Knud Rasmussen symboliserer flere ting fra Grønlands historie. Det nye inspektionsskib, da det blev klargjort på Karstensens Skibsværft i Skagen i november. Skjoldet på Knud Rasmussen symboliserer flere ting fra Grønlands historie.

Sakkutuut umiartortut umiarsuaaraat nakkutillissutit marluk pisoqalisut AGDLEK-kut siunissamut mikivallaalerput, sikup annikilluartornerata imartat annertusiartuinnartut oliemik misissuiffigineqarsinnaasut aalisarfiusinnaasullu ammaakkiartuinnartussaallugit, aammalu sineriaasuit annertusiartuinnartut umiarsuarnik takornariaqartaatinik angallavigineqaleriartuinnartussaallutik, umiarsuarnilu tamakkunani ilaasut immakkut annaassinniarsinnaanernik pitsaalluinnartunik piumasaqaateqartussaallutik.

Tamakku tunngavigalugit partiit 1999-imi illorsornissamut isumaqatigiissuteqartut umiarsuit nakkutilliissutit nutaat marluk sananeqarnissaannut milliartit affaannik immikkoortitsisimapput, taakku qallunaat kalaallillu Kalaallit Nunaata imartaani soqutigisaannik illersuisussaallutik. Umiarsuit siullersaat »Knud Rasmussen« Korsør-imiit allaqqammerpoq, ippassarlu Frederikshavnimiit Kalaallit Nunaannut angalaqqaassalluni aallarluni, tamaani silaannaap pissusaanut misiligarneqassalluni.

Umiarsuaq ataaseq taamaallaat 250 millioner kroneugaluartoq Sakkutuut Umiartortut umiarsuarnik umiarsuit nakkutulliissutaasarsimasut siullit eqqarsaatigalugit pisinnaasaqarnerujussuarnik pissarsisimapput.

"Knud Rasmussen"-ip angussusaannaa nakkutilliissuteqqaanit 600 tonsinik oqimaanneroreersoq umiarsuaq nakkutilliissut nutaaq silarlungaatsiartumiluunniit qaammat ataaseq imaaniissinnaavoq.

Inuttat 18-iupput, taamaattoq umiarsuaq pingasunngorlutik nikittaallutik ingerlassinnaasassavaat. Qulimiguulimmit oqimaatsumit allaat miffigineqarsinnaavoq, qulimiguulik umiarsuarmi nakkutilliissummit anginerusumit orsussamik pisariaqartitsisumik aggersinnaavoq. Umiarsuaq aamma imaani annaassiniutinik sukkasuunik umiatsiaqarput aammalu oliemik mingutsitsisoqassagaluarpat assiaqutissanik puttasunik sillimmateqarluni.

Umiarsuup naalagaa siulleq kaptajnløjtnant Per Skov Madsen nakkutilliissummi "Tukugaq"-mi naalagaasimavoq, tamalu piumasarineqartut ilisimalluarlugit. "Knud Rasmussen"-ip siua qamutaasatut sanaajuvoq, ajornanngitsumillu siku 70 cm-nik issutigisoq aserorsinnaallugu, aamma pisariaqassappat siku 2,5 meteritut issutigisoq aserortersinnaavaa, siku qaqiffigalugu oqimaassusaanik nakkaatsittarlugu.

»Danmarkimi sikunik aserorterussuit pisoqqat pisinnaajunnaarpata taakku danmarkiliartinneqarsinnaapput«, Per Skov Madsen isumaqarpoq.

Tassani ajornartorsiut ataasiinnaassaaq, Per Skov Madsen isumaqarpoq. Kalaallit Nunaata sineriaa pitsaasumik nakkutigineqassappat umiarsuit sulio marluk amigaataassapput.

Umiarsuaq Nuummut apriilip 4-niit 7-ianut tikissaaq, ilisaritinneqarlunilu tusagassiorfinnut takutinneqassalluni.

»Knud Rasmussen« majimi utissaaq. Umiarsuaq augustimi radarilersorneqarlunilu nakkutilliinissamut tamakkiisumik atortulersorneqarsimalluni Kalaallit Nunaannut aallaqqissaaq. Tulianik angalaleruni ukiuni tallimani Kalaallit Nunaata eqqaani angalassaaq.

Knud Rasmussenip ilisarnaataani talerpia-tungaani takuneqarsinnaasumi Kalaallit Nunaata oqaluttuarisaaneranit pisut assigiinngitsut ersipput, internetimi nittartakkamik navalhisory.dk-mi takuneqarsinnaavoq.

Knud Rasmussenip Kalaallit Nunaat pillugu annertuumik suliaqarsimanera kalaallillu namminneq naleqassusaannik suliniarsimanera 1979-imi namminersornerulernermik kinguneqartoq ilisarnaatip qalipaataanik ilisarnaaserneqarsimavoq, qalipaatai tassaallutik kalaallit nunaata aappalaartuata qalipaatai.

Knud Rasmussenip nunasiaateqarfiup Thulep - tassanngaaniit aamma ilisimasassarsiorluni angalaneri arfineq-marluusut aallaaveqartarput - tunngavilerneraqarnerani suliaa qilalukkamik ilisarnaaserneqarsimapput, qilalugaq Thulep eqqaani uumasuullunilu piniagaasuuvoq. Qilalugaq aamma Thulep illoqarfittut ilisarnaataani akuuvoq.

Umiarsuup nakutilliissutip nakkutilliivia pisarnertut imartat avannarpasinnerusut imartaajusussaasoq aamma ulloriarsuarmik Polarstjerne-mik ilisarnaaserneqarsimavoq.

Powered by Labrador CMS