Atuisartut sallunaveeqqutitut atorneqarput
– Pilersuisoq suliffeqarfiuvoq kisermaassisoq qanorluunniit iliorsinnaasoq, Peter Mogensen Qasigiannguaneersoq oqarpoq.
Hans Enoksenip nunaqarfimmi Iltillimi nioqqutissat ulluinnarni pisariaqartitat akisuallaarneri isornartorsiorpai. Taannali Pilersuisup pisiniarfiutaani nioqqutissat ulluinnarni atorfissaqartittakkat akisuallaarnerinik isornartorsiuinermini kisimiinngilaq.
Peter Mogensen, Qasigiannguaneersoq: Atuisartut sallunaveeqqutitut atorneqarput. Pilersuisoq suliffeqarfiuvoq kisermaasiisoq, piumasannguaminik iliorsinnaasoq.
– Ukiut marluk matuma siornagut hot-wings-it 23,95 kronilerlugit pisiarineqartarput, kukkukuuaqqap talii taammaattut ullumikkut 43 kroninik akeqarlutik.
– Akit 100 procentimik qaffassimapput
– Maani illoqarfimmi immissuit havarti-t assigiinngitsut marluk nioqqutaapput. Aappa Arlap immussuaataa 30 kroneqarpoq aappaalu havarti 20 kroneqarluni. Atuisartut ilaasa soorunami akikinnerpaaq pisiariniartarpaat, taamalu taanna akikinneq tassanngaannaq 5 kroninik akitsorneqarsimavoq.
– Atuisartullu naammagittaaliuteqarnatik, Peter Mogensen oqarpoq.
Sermitsiami aamma atuaruk