Akit qaffarujussuartut

Kalaallit Nunaata Naatsorsueqqissartarfianiit kisitsisit nutaat takutippaat akit ukiup ataatsip ingerlanerani 8,2 procentinik qaffassimasut. Siuliinut sanilliullugu pingasoriaatingajammik.

Det er blevet dyrere at købe ind./ Pisiniarneq akisunerulerpoq.

Pingaartumik tupat, imigassat inuussutissallu akii akit qaffariarujussuarnerannut peqqutaaqataapput, taamak Kalaallit Nunaanni Naatsorsueqqissaartarfik paasissutissiivoq. Naatsorsueqqissaartarfiup akit ingerlaarnerat 2007-imi juulip 1-ianiit 2008-mi juulip 1-ianut malittarisimavai.

Nioqqutit ulluinnarni atortakkat soorlu iffiukkat, karrinik tunisassiat, immuit, immussuit aamma manniit akiisa qaffasinnerannut nioqqutissat tamakku nunarsuaq tamakkerlugu qaffariarujussuarsimanerannit peqquteqarpoq, aamma Kalaallit Nunaanni. Aamma imigassat kimittuut, cigarettit sukkullu ukiaq manna akitsuuserneqarnerat akit taamak qaffatsiginerannut peqqutaaqataapput.

Piffissami 2003-mi juulimiit 2007-imi juulimut atortussanut akit ukiumut 1,5 procentit 3 procentillu akornanni qafffattarsimapput.

Powered by Labrador CMS