Takornariat akikilliliiffigineqartut
Københavnimiut sisamat angalatitsinermik aaqqissuisarfimmut Atlantic Travelimut maalaaruteqarnerminni ilalerneqarput.
Københavnimiut sisiamat imminnut attuumassuteqanngitsut Kalaallit Nunaanni Narsarsuarmut sapaatip akunnerani qissattariarnissamik pisisimapput. Angerlaramik ataatsimoorlutik assigiissumik nipilimik angalanermik aaqqissuussisumut Atlantic Travelimut maalaarutinik allagaqarput.
Københavnimiut angalaneq taannarpiaq toqqarsimavaat pissutigalugu qissattarfissaqqissup saniatigut pinngortitarsuaq alianaatsoq qaqutigoortumillu misigisaqarfigerusukkamikku, Atlanticillu angalaneq neqeroorutigimmagu. 1) Qissattarfimmi tammaarsimaarfimmi atortorissaartumi unnuineq. 2) Najugaqarneq naallugu tamakkiisumik nerisaqartinneqarneqq. 3) Angalanermi tamarmi qissattarnermi ilisimasortaqarneq. 4) Qissattarfimmi VHF-radio. 5) Vandrerhjemmimi unnuinerit marluk.
Taakkua sisamat allapput tammaarsimaffik atortorissaarnerunani qanganisarpalunnerusoq. Peqataasut ullut tamaasa namminneq nerisassiortariaqartartut ilisimasortamit ikiorneqaratik. Ilisimasortaq siusinnerusukkut Kalaallit Nunaanniinngisaannarsimasoq, Ilisimasortatut ikiortini ilagalugu siulliulluni tammaarsimaffimmit qimagutikulasartoq kingullersaallunilu takkuttarluni. VHF-radio amigaataasoq.Vandrerhjemmillu angutinut arfinilinnut inaa ajorpallaartoq.
Atlantik Travelip maalaarutit tunuartippai, taamaallaat uppernarsarneqarsinnaasoq, VHF-radioqanngitsoq, pinnagu.
Tamatuma saniatigut angalanermik maalaaruteqartarfiup tikkuarpaa "angalanermi ilisimasortaqartoqartoq naammaginarpallaanngitsumik" aammalu peqataasut nerisassiornermi annertuumik peqataasartut. Amigaatit tamakkua angalanermik maalaaruteqartarfiup maalaartumut ataatsimut 2.000 koruuninik nalilerpai.
Angalaneq ataaseq 11.495 koruuneqarsimavoq.
Atlantik Travel ilaatigut Kalaallit Nunaannut, Canadamut, Amerikamut Kujallermut Ruslandimullu qissattariarluni angalatitsisarfiuvoq.