Aggustip 1-aani seqineq pulassaaq

Seqernup pulanera Canadap avannaani, Kalaallit Nunaanni, Ruslandip qiterpasissuani Kinamilu takuneqarsinnaassaaq.

Aasaru maani Kalaallit Nunaanni seqineq tamangajassuarmi pulasoq takuneqarsinnaassaaq, KNR-imit oqaatigineqarpoq.

Kisianni maani seqernup tamangajammi pulanera taamaallaat Qaanaami takuneqarsinnaassaaq - tassa seqernup 98-99%-tia pulaqqassaaq. Assersuutigalugu Nuummi taamaallaat seqernup 62%-ia pulasimassaaq.

Europami seqernup pulanera taamatuttaaq ilaannakuussaaq. Taamaakkaluartoq tassa tamanna aggutsip 1-aanni pissaaq, taamalu aamma ukiut tamaasa pisartumi "Kalaallit Nunaat Tivolimi" immikkut misigisassanut ilaasussaassalluni.

Aviisi Canadian Press allappoq, Canadami angalatitsiviit Canadap Avannaani Inuit Illoqarfiinut soorlu Mitsimatalimmut (Pond Inlet) aamma Devon Islandimut immikkut "seqernup pulanissaanut" angalanissanik neqerooruteqartalereersimapput, taamalu 50.000 kr.-inik akiliilluni misigisassaq maani Kalaallut Nunaanni akeqanngitsumik isiginnaarsinnaasarput misigiartorneqarsinnaassalluni!

Powered by Labrador CMS