Ilinniartut iluanaat
Ilinniarnertuunngorniarfinni ilinniartut angajoqqaaminni najugaqartut ilinniagaqartutut namminneq inissiami najugalittut ilinniarnersiutisisalerput. Inatsit iluamik ilisimaneqarani januarip aallaqqaataani atuutilerpoq.
– Uannut iluaqutaaginnarpoq, aningaasalli atorfissaqartinngikkaluarpakka. Taamatut oqarpoq 18-inik ukiulik Bea Høier, Qaqortumi ilinniarnertuunngorniarfimmi 2.g-mi ilinniagalik.
Bea Høierip ilinniagaqarnersiutai 2.100 koruuniniit 4.500 koruuninut qaffanneqarsimapput januarip aallaqqaataani.
Betina Geisler, marlunnik qitornalik, Aasianni ilinniarnertuunngorniarfimmi 3.g-mi atuartoq, saneqqutaaginnarneqarsimasutut misigisimavoq.
– Meeqqanut tapit aamma eqqarsaatigisimasariaqaraluarpaat. Meeqqamut ataatsimut qaammammut 758 koruuninik tapiissutisisarpunga. Tamakkua ullutsinnut naammanngillat. Betina Geisler oqarpoq.
Nuummi ilinniarnertuunngorniarfimmi ilinniagaqartunik siunnersuisartut februarip aallaqqaataani ilinniartunik saffiginnittorpassuaqassangatissimagaluarpaat. Tupinnaannartumilli ikissimapput.
– GU-mi ilinniartut 18-it sinnerlugit ukiullit arlalissuupput, taamaattumik maalaarnissamut pissutissaqarpianngilaq, Nuummi ilinniarnertuunngorniarfimmi ilinniagaqartunik siunnersuisartoq Lars Kehlet Hansen oqarpoq.
Sermitsiaq atuaruk.