Parnaarussakut qanormita pippat

Misissuinikkut ersersinneqassaaq Herstedvesterimi parnaarussaareerlutik inuiaqatigiinnut akuliuteqqissimasut qanoq ingerlanersut

Evy Frantzsen misissuinissaminut aningaasaliiffigineqarsimavoq.

Sivisuumik Herstedvesterimi parnaarussivimmeereersimallutik Kalaallit Nunaannut utersimasut qanoq ingerlanersut ilisimasaqarfigineqanngilaq.

Massakkut apersuilluni misissuisoqassaaq. Norgemiup pinerluttulerinermik ilisimasallip Evy Frantzsenip martsimiit aallartilluni misissuinissaanut aallarniutissanik naalakkersuisut januarimi ataatsimiinnerminni aningaasaliissuteqarsimapput.

Tassumap siorna kalaallit Herstedvesterimiittarsimasut pillugit allattugaatit misissuiffigisimavai. Evy Frantzsenip misissuinini tunngavigalugu parnaarussivimmiit anisarsimasut pillugit paasissutissat amigartorujussuunerarpai. Parnaarussat misissuiffigineqartut 76-it affaannit amerlanerulaartut (39) 1. juni 2006-imi Kalaallit Nunaannut angerlaqqissimapput. Ataaserlu Danmarkimut nunassissimavoq. Taakkuli saniatigut allamik paasissutissaqangaanngilaq.

Taamaattumik Evy Frantzsenip Herstedvesterimiit anisimasut qanoq ingerlasimanerat paasiniarlugu misissuerusulersimavoq.

Evy Frantzsenip paaserusuppaa inuit tamakku ukiorpassuarni Danmarkimi parnaarussivimmeereersimallutik uteqqikkaangamik kalaallit inuiaqatigiit akornanni qanoq ingerlasarsimanersut. Ajunngitsumik pitsaanngitsumilluunniit ingerlasimanersut. Norgemiullu pinerluttulerinermik ilisimasallip aamma paserusuppaa parnaarusaareersimasut tamakkua inuiaqatigiinnut akuuleqqissimanertik qanoq isumaqarfigineraat.

Sermitsiaq atuaruk...

Powered by Labrador CMS