Juullip inuata meeqqat atugarliortut ikiussavai
Peqatigiiffiup "Juullip inua Kalaallit Nunaanni" meeqqat atugarissaarnerulernissaat toqqissisimasumillu inuuneqarnissaat anguniarlugu aaqqissuussinernik ingerlatsiniarpoq.
Annonse
Taama ilisimatitsivoq KNR.
Peqatigiiffik pilersinneqarpoq ilisimaneqarluartumut iluanaarniutigineqartartumut juullip inuanut illuatungiliunniarlugu. Peqatigiiffimmillu aallartitsisuupput namminersornerusut, takornariaqartitsiviit aamma Nunatsinni Danmarkimilu suliffeqarfiit namminersortut.
Kulturikkut suliaqartartut tusaamasat Flemming Jensen, Rasmus Lyberth aamma Julie Berthelsen peqatigiiffimmik 2009-mi februarimi siulersuisussaminik saqqummiussiniartumut tapersersuipput.