Angajoqqaarsiat pikkorissartut
Nuummi angajoqqaarsiat tallimanngornermiit sapaat ilanngullugu pikkorissartinneqassapput. Kisianni sulinermi aningaasarsiassanit annaasatigut matussutissiivigineqassanngillat.
Angajoqqaarsianit 30-iusunit taamaallaat 10-t pikkorissarnermut tallimanngorneq februaarip 22-ianiit sapaat ilanngullugu ingerlanneqartussami peqataanissamut nalunaarsimapput, Nuummi angajoqqaarsiat peqatigiiffiata PLF-ip siulittaasua Ellen Sofie Chemnitz nalunaarpoq.
Taamak ikitsigisut nalunaarsimanerannut peqqutaasunut ilaavoq, angajoqqaarsiat sulinnermi akissarsianit aannaasassanik pissarsisinnaannginerat aammalu meeqqanut paarsisussarsisinnaannginnamik.
– Nalunaeqanngitsutut angajoqqaarsiat aamma suliffeqarput nakkutigisassamik, tamannalumi aamma angajoqqaarsiarpaaluit peqataasinnaanerigaluannut aornakusoortitsisuuvoq. Tamakku pissutigalugit taamaallaat 10-t pikkorissarnermut 30-inut inissaqaraluartumut peqataasinnaasutut nalunaarsimapput, Ellen Sofie Chemnitz oqarpoq.