Johan Lund Olsen: Ilinniartut assigiissumik atugassaqartinneqarput
Inatsisartunut ilaasortap Johan?Lund Olsenip ilinniagaqarnersiutit allanngortinneqarnissaannik siunnersuutaa, ilinniagaqartunut ilinniarnermik nalaani angajoqqaaminnit nuuttunut eqqarsaataasimagaluarpoq.
Ilinniartut, ilinniagaqarnermik nalaani angajoqqaaminnit nuuttut ikiorniarsimagaluarpai, ilinniartulli tamaasa 18 sinnerlugit ukiullit ikiorpai. Aamma angajoqqaaminni najugaqaraluartut.
Inatsisartunut ilaasortap Johan Lund Olsenip 2006-imi inatsisartut ukiakkut ataatsimiinneranni siunnersuutigaa ilinniagaqartut angajoqqaaminnit nuussimasut tamarmik assigiissumik ilinniagaqarnersiuteqassasut.
Ilinniartut angajoqqaaminni najugallit aaqqissuussinermi nutaami aamma pissarsitinneqarsimanerat pillugu Johan Lund Olsen oqarpoq:
– Apeqqutaavoq angajoqqaaminni najugaqartut qanoq akiliisarnersut.
Partiit ilinniartitaanermut tunngasutigut oqaaseqartartuisa ilinniarnersiutisisarneq nutaaq allanngulaartariaqartortaqarneraraluarlugu annerusutigut pitsaanerarpaat.
Sermitsiaq atuaruk.