Nuummi innaallagiaaruttoq
Kabelinik allannortitserinerup sisamanngormat illoqarfik nalunaaquttap akunnera sinnilaarlugu innaallagiaarutitippaa.
Annonse
Nuummi innaallagiaq nalunaaqutaq ataatsip missaani qamippoq, qulliit, computerit innaallagissamillu kiassaatit qamiorarlugit.
Innaallagiaaruttorneq Qinngorput-mi kabelit sarfamik sakkortuumik ingerlaviit allanngortiternerannik peqquteqarpoq, kabelit killormut saatillugit ikkuttoorsimassangatinneqarput, Nukissiorfiit ilisimatitsivoq.
– Paarlaassoorinninneq taamaalilluni sikringiiarnertut sunniuppoq. Utoqqarmiut kangerluarsunnguani nukissorfik qamittoorpoq, taamaalilluni illoqarfik tamaat sarfaarullugu, ingerlatsinermut pisortaq Ove Nielsen Sermitsiaq.gl-imut oqarpoq.
Taassuma ilisimatitsissutigaa nalunaaquttap akunnera minutsinilu qulini illoqarfik innaallagiaqarsimanani innaallagianeqqittoq.