Neriuffiit Kattuffiannut 30.000 kr.-nit
kræftimut Akuiniaqatigiiffik ullumi Tele-miit check-imik 30.000 kr.-nik tunissutisivoq.
TELE Greenland A/S-ip katersuiniarnermut normut 163, 166 & 169 siunertanut iluaqutaasussanut atorpai, atuisartut sianernermikkut siunertamut pitsaasumut tapiissuteqarsinnaallutik. Katersuiniarnermut normut taakku 2006-imi novembarimiilli Neriuffiit Kattuffiannut atorneqarsimapput.
Checki TELE Greenland A/S-imi katerisimaartitsinermi pisortap tullianit Steen Montgomery Andersenimit Neriuffiit Kattuffianni siulersuisut siulittaasuannut Johanne Olsenimut tunniunneqarpoq.
Kræftimut Akiuiniarnermut kattuffik siorna aamma TELE-mit tunissuteqarfigineqarpoq. Taamanikkut katersuiniarnermi katersorneqartut 39.150 kr.-inut naatsorsorneqarput. Taakku qaavatigut TELE Greenlandip aningaasaliissutitut 10.850 kr.-nit tunniuppai, suliffeqarfiup 2007-imi juunip 30-ianiit tamakkiisumik pujortarunnaaqqusinermik eqqussimmat. Taamaattumik siorna checki 50.000 kr.-inik nalilik tunniunneqarpoq.