Nunarput pillugu oqallinneq tamatigoortoq

Qallunaat meeqqat atuarfianni atuartut Kalaallit Nunaannut tunngatillugu assigiinngiiaarnerusumik takunnissinnaasariaqarput, Red Barnet atuartitsissutissanik nutaanik saqqummersitsisoq isumaqarpoq.

- Kalaallit Nunaat tikeraarakku pinngortitarsuarmut inussiarnersusersuarmullu assut tupigutsassimavunga, peqatitigilluguli aamma kallaallit meerartaasa inuusuttortaasalu amerlavallaartut inuuffigisaannit pivisumit imaannaanngitsumit eqqaasinneqarlunga. Aamma kalaallit Nunaat pillugu ulluni makkunani oqallinnermut paasisimasaqartutut oqallinnermut peqataaniaraanni akerleriit taamaattut aammalu meeqqat inussuttullu assigiinngeqisumik innunerat paaseqqaarnissaat pingaartorujussuuvoq, Red Barnets pisortaanera Mimi Jakobsen, taamak oqarpoq.

Atuartitsissutini nutaani kalaallit meerartaasa inuusuttortaasa nuannersuni nuanniitsunilu atugaat oqaasinngorlugit assinngorlugillu oqaluttuarineqarput. Imarisai meeqqanik inuusuttunillu apersuinerniit Kalaallit Nunaata oqaluttuarisaaneranut tassanngaaniillu silaannaap allanngoriartornerata nunarsuarmi qeqertat avannarpasinnersaanut sunniutai imaannaanngitsut sammineqarput. Peqatigitillugu kalaallit meerartaasa inuusuttortaasalu namminneq isiginnittaasertik atorlugu nunaqarfinni illoqarfinni inuunertik oqaluttuaraat.

Kunngissaq Frederik-imik apeqqarissaarneq

Red Barnet 1949-miilli Kalaallit Nunaanni sulivoq, ullumikkullu Nuummi, Qaanaami Upernavimmilu meeqqanut inussuttunullu ornittakkat ingerlanneqarnerinut tapiissuteqartuulluni. Qaanaami ornittagaq Kunngikkormiutut Ataqqinassusilimmit Kunngissaq Frederik-imit inuiaqatigiinnguani taakkunani qaammatini marlunni inooqataasimasumit tapiiffigineqartarpoq.

Red Barnet-ip atuartitsissusiaani nutaami kunngissap Qaanaami innuttaasunut qanilluinnartumik attaveqarnini ammasumik oqaluttuaraa, pingaartumik meeqqanut Kunngissap uummataani immikkut inissaqalersimasunut tunngasut.

- Kunngissap Frederik-ip meeqqat inuusuttullu ulluinnarni inuuneranni qanimut peqataaffigisimavai, namminerlu isiminik inuunerisa ajunngitsortaat ajortortaallu takusimallugit. Tamanna Qaanaami ornittakkap aningaasatigut tapiiffigineqartarnerinnaanik kinguneqanngilaq, aammali tamanna akissuteqarfigineqartarnernik killitsinartunik ilungersunartunillu kinguneqarsimavoq. Tamakkuninnga Kunngissap Frederiup atuartitsissusiatsinni avitseqatigaatigut, tamannalu soorunami assorsuaq nuannaarutigaarput, Mimi Jakobsen oqarpoq.