Ilagiit imminnut ingerlattut akuerineqartut
Nuummi Inuunerup Nutaap Oqaluffia upperisarsioqatigiit 99-it ilagaat, ukiuni kingullerni 15-ini naalagaaffimmit akuerineqarsimasut.
Danskit ilagiit ukiuni kingullerni upperisarsioqatigiinnik ilagiinnillu amerligaluttuinnartunik ilaterneqarput qallunaat naalagaaffiannik akuerineqartunik, taamatut allappoq 24timer.dk.
Upperisarsioqatigiit ilagiillu katillugit 138-it ilaat 99-it, ukiuni kingullerni 15-ini akuerineqarsimapput, ineriartornerlu tamanna upperisarsiornerup oqaluttuarisaaneranik ilisimatooq Mikael Rothstein malillugu ingerlaqqissaaq.
"Inuiaqatigiinni nutaaliaasuni assigiinngitsorpassuarnillu kulturilinni inuuvugut, upperisat allatulli tamanisut ataavartumik takkussuullutik. Upperisat aamma aningaasatigut soqutigisaqarput, taamaattumik soorunami akuerineqarnikkut pissaaneq aningaasatigullu iluaqutissat perusuppaat," taanna oqarpoq.
Upperisarsioqatigiit akuerineqartut ilagaat Nuummi Inuunerup Nutaap Oqaluffia/Grønlands Frikirke, 2006-imi akuerineqarsimasoq.
Akuerineqarsimasut makkuupput:
1998 Mission Danmark , 2001 Bharatiya Mandir, 2002 Brande Hindu Menighed , 2003 Forn Sidr - Asa og Vanetrossamfundet i Danmark , 2005 Foreningen Ahlul Baiti Danmark , 2006 Inuunerup Nutaap Oqaluffia - Grønlands Frikirke, 2006 Den Mandæiske Mandeai Danmark, 2007 Alevi Forbundet i Danmark , 2007 International Christian Community.