Foghip Bushimik oqaloqatiginnissutissani nipaarsaarukkai
Foghip sapaatip akunnerani uani Bush oqaloqatigisussaagaluarlugu tigusanik assartuussinernut atatilugu USA Kalaallit Nunaannut mittarsimaneragaanera ilumoornersoq præsidenti toqqaannartumik aperiniarnerlugu neriorsuisinnaanngilaq, Berlingske allappoq.
Sapaatip akunnerini kingullerni oqallisaarnerpaat ilaat - CIA-p tigusanik assartuussisarnerinik oqalunnerit - statsminister Anders Fogh Rasmusseni (V) sapaatip akunnerani uani amerikamiut præsidentiat Texasimi tikeraaruniuk præsident Bushimut apeqqutigigissagunanngilaa.
Naak CIA tigusanik assartuussisarnermut atatillugu Kalaallit Nunaannut mittarsimanersoq pillugu qallunaat naalakkersuisui misissuisitsinissamut akuersereeraluartut.
”Suut saqqummiukkumaarnerlugit ataatsimiinnerni nalunarunnaassapput. Tamakkuninnga siumut aalajangeereernikunngilanga.”
Tamanna pissusissamisoornerussanngila, maanna suliamut attuumassutillit ilisimasaqarsinnaanerusut arlalissuit taamatut naapisimaartussaatillugit?
”Nalunarumaanngilaq. Præsidentimik oqaloqatigiissutigerusutakka amerlapput. Ilaatigut silaannaap pissusaanut tunngatillugu politikki, taanna pingaaruteqangaatsiarpoq. Taamaattumi tasamani naalakkersuisunut DFanmarkimullu pitsaanerpaaq sunaajumaarnersoq nalilersorumaarpara. Taamaattumik ataatsimiinnerit naammassigaangata suut oqaluuserineqarsimanersut paasiniaasarsinnaavutit. Oqaloqatigiinnerni taakkulu qanoq ingerlanerat apeqqutatillugu qaqilerisartussaavugut. Uanimi qallunaat soqutigisaat pitsaanerpaamik anguniarneqartussaapput- - Fogh Berlingske Tidendemut oqarpoq.