Unammilleqatigiinnermut malittarisassat nutaat

Malittarisassat nutaat unamminnernerulernissamut ammaassipput, kisianni aamma salliusutut inissisimanermik atorneriuisinnaanermut inerteqquteqaataalerpoq, aamma pisortat suliffeqarfiutaannut soorlu KNI, Nukissiorfiit aamma Royal Greenland.

Offentlige virkomsomheder som KNI er nu også omfattet af konkurrenceloven.

Unamminneqatigiinnermut inatsisit nutaat atuutilersinnerisigut unamminneqatigiinnermut malittarisassat sukaterneqarput, nunani avannarlerni malittarisassat assigalugit. Inatsisit unammilleqatigiinnermut killisuisumik isumaqatigiissutit inerteqqutaalersippai, aammalu sallertut inissisimanerup atornerlunneqarsinnaanera unitsinneqarluni.

Taamaattoq unamminneqatigiinnermut killiliisumik isumaqatigiissutit inerteqqutaanerat atortinneqanngissinnaavoq, assersuutigalugu isumaqatigiissut nalimmassaanermut nukittorsaataappat aammalu teknikkikkut aningaasaqarnikkulluunniit ineriartornermut iluaqutaappat, imaluunniit isumaqatigiissutikkut atuisartut naammaginartumik pissarsisinnaanissaat qularnaarneqarsimappat.

Unammilleqatigiinnermut inatsisit Unamminneqatigiinnermut Ataatsimiitsitaliamit aqunneqassaaq. Ulluinnarni ingerlatsineq Unammilleqatigiinnermut nakkutilliisunit isumagineqassaaq, oqartussaaffik nutaaq pilersinneqaqqammersoq. Unammilleqatigiinnermut nakkutilliisoqarfik aamma Unammilleqatigiinnermut Ataatsimiitsitaliamut allattoqarfittut atuutissaaq.

Ataatsimiitsitalip katititaanera aamma allanngorpoq.

Siulittaasoq ataatsimiitsitsaliamilu ilaasortat pingasut maannakkutut inuussutissarsiortut atuisartullu soqutigisaannut atuumassuteqartuussanngillat, ilaasortat sinneri pingasut maanna inuussutissarsiortut kattuffiiniit, atuisartut suliniaqatigiiffiiniit kiisalu KANUKOKA-miit Naalakkersuisunillu peqatigiilluni inneersuussereernikkut toqqarneqartalissapput.

Ilaasortaq kingullertut taaneqartoq pisortat inuussutissarsiornikkut ingerlatsinerannik immikkut ilisimasaqartuussaaq, inatsisit maanna aamma pisortat suliffeqarfiutaannut atuutilermat., unammilleqatigiinnermut ataatsimiitsitaliaq ilisimatitsivoq.

Powered by Labrador CMS