Aputip Kulusumut timmisartuussinerit kinguartippai

Air Greenlandip pingasunngornermi Nuummiit Kulusumut timmisartuussinissat taamaatiinnarpai. Tunumi mittarfik aputeqarpallaarpoq.

Air Greenlandip timmisartuussinissaq Nuk - Kulusuk - Nuuk pingasunngornermi januaarip 23-iani taamaatiinnarpaa.

Kulusumi aputeqarpallaarujussuarnera taamaatitsiinnarnermut peqqutaavoq, Kulusumilu Mittarfeqarfiit pingasunngornermi timmisartoqarsinnaanissaanut mittarfiup aputaajarnissaanut ajoraluartumik angummassinnaanngillat, timmisartuutileqatigiit tusagassiorfinnut nalunaarummi ilisimatitsipput.

Kulusumi Air Greenland ilisimatitsivoq, pingasunngornermi ilaasussat timmisartuutileqatigiiffiup timmisartuussinissamut Nuuk - Kulusuk - Nuuk arfininngornermut januaarip 26-ianut nuutinneqartut.

Powered by Labrador CMS