Bussit avatangiisinik ajoqusiisanngitsut
Nuup Bussii sapaatip akunnerata tullianiit bussinik nutaanik pingasunik, pisoqqaniit CO2-mik aniatitsinikinnerujussuarnik peqalissaaq.
Piffissami matumani biilit CO2-mik aniatitsinerujussuisigut silarsuup silaannaata kissakkaluttuinnarnera oqaluuserineqartorujussuummat Nuup Bussii tamatuminnga annikillisaaqataajumallutik bussinik avatangiisinut ajoqutaannginnerusunik atuilissapput. Sapaatip akunnerata tullianiit bussit nutaat pingasut, pisoqqaniit CO2-mik aniatitsinnginnerusut atorneqalissapput
- Periarfissaqartilluta mingutsitsinermik millisaaqataajumavugut, Nuup Bissiini ingerlatsinermi pisortaq Rene Hansen Nuuk Ugeavisimut oqarpoq.
- 1999-imili bussinik mingutsitsinnginnerusunik atuiniartualernikuuvugut. Pingasulli massakkut pisaarisassagut suli mingutsitsinnginnerupput.
- Volvo mingutsitsinannginnerusunik atortorissaarusiortalersimagami. Bussit pisoqqat pujuliorneri peqqinnanngitsumik CO2-mik akoqartorujussuupput, taakku pujuliorneri akuiaruminaatsorujussuummata. Ullumikkulli akuiaassutit SCR-nik taaneqartartut atorlugit CO2 tamakkingajallugu peerneqarsinaalernikuuvoq.