Oqimaassutsit taamaatiinnaruk
Misissuinerit nakorsanit akuerineqartumik peqqissutsimut tunngasunik atuagassiat saqqummersinneqartartut arlallit naapertorlugit inuk inersimasoq nalinginnaasumik ukiumut 0,8 kiilunikk oqimaallisarpoq. Aamma oqimaalleriaatsigisap 0,5 kiiilutaa decembarimi pisartoq, Berlingske allappoq.
Puallarnani decembari qaangerneqarsinnaanerpa? Imaluunniit minnerpaamik oqimaassuseq allanngortinnagu, taamaalillunilu ukiortaaq qaangiussimaleriarpat »Extreme Makeover«-imik aallartinnissaq pinngitsoortillugu?
Naatsorsueqqissaartarneq qiviassagaanni tamanna ajornarpoq. Tassa misissuinerit nakorsanit akuerineqartumik atuagassiat saqqummersinneqartartut naapertorlugit qallunaaq inersimasoq nalinginnaasumik ukiumut 0,8 kiilunik oqimaallisarpoq. Oqimaalleriaatillu taassuma 0,5 kiilutaa decembarimi pisartoq, Berlingske allappoq.
Nutaarsiassat pitsaasoq tassaavoq, tamanna eqqarsarluaraanni pinngitsoortinneqarsinnaammat, taamalu nerisarnerup qasujaallisarnerullu allanngortiallanneratigut pisinnaalluni, taamak nakorsaq nerisaqarnermullu immikkut ilisimasalik Jerk W. Langer.
– Oqimaalleriarneq taamak annertutigisoq immaqa soqutaavallaarunanngikkaluarpoq, kisianni ukiut qulit ingerlaneranni 8 kiluussaaq, ukiullu 20-t ingerlaneranni 16 kiiluussalluni, taamaalilluni oqimaappallaarneq ajoqutaasinnaasoq tikissimassallugu. Misissuinerit pimoorussisut takutippaat oqimaalleriarnerup annersaa decembarimi pisartoq, taamaattumik juullip qaammataani qanoq pissusilersornerput soqutaannginngilaq. Iluatungaatigut allannguinissaq ajornarpallaanngilaq, taamalu oqimaallivallaarnissaq pinngitsoortillugu.
Kalorienut naatsorsuussuarni pisuttuarnerit, eqqiaanerit, pisiniarfilerinerit, meeqqanik pinnguaqateqarnerit iluaqutaapput, jerk W. Langer erseqqissaavoq. Annermik ullut tamaasa pisuuttuarnerit pingaaruteqarput, taamaalilluni timip aalatinnissaanut inuillu akornaniinnissamut periarfissatsialaalluni:
– Pisunneq pingaarnerpaavoq. Taamaaliornikkut kalorie-rpassuit katanneqartarput - kilumeeterit 5-it pisukkaanni 5-kilumeeterinik arpannertulli kaloriet katanneqarsinnaapput. Piffissaq sivisuneruinnassaaq. Najoqqutassaq ajornangitsumik atulerneqarsinnaasoq tassaavoq juullikkunni nerilernerit tamaasa pisuttuaqqaartarnissaaq. Ileqquliutipallannaartuusinnaavoq, kikunnilluunniit peqataaffigineqarsinnaalluni: Meeqqat, ernuttat, ilaquttat ikinngutillu, Berlingske oqarpoq.