Ukiutoqqami sianiitsuliortut taarsiivigineqassanngillat

Qummoroortartunik ajoquserneq mianersuaatsuliornermik pissuteqarpat sillimmasiissutitigut taarsiiffigitittoqarnavianngilaq, taamatut mianersoqqusisoqarpoq ukiutoqqami qummoroortartoqanngilernerani

Imigassaq, tiipanneq qummoroortartullu akulerullugit ulorianartorujussuuvoq, inuunermik avatinillu naleqarsinnaasoq. Akisussaassuseqanngitsumik pissusilersorluni qummoroortartulerineq tumarnermik kinguneqarsinnaavoq - aammalu ajutoornermi sillimmatinit taarsiivigineqarsinnaanani, Danmarkimi Forsikringsoplysningen taamatut mianersoqqusivoq.

Siunnersortip Christian Skødtip angut inuusuttoq 18-inik ukiulik taavaa taarsiivigineqarsimanngitsoq, seqqortartoq assaani qaarmat.

Angutip inuusuttup saamimmini tikini kullunilu annaasimavai siutiminilu talerperliup igalaasartaa ajoqusersimallugu.

- Allaavoq ajoquserujussuarsimanera, aammattaarli ajutoornermut sillimmasiisrfimmit namminersortumit taarsiivigineqarani. Tassami Ankenævnet for Forsikringip sillimmasiisarfik ilalerpaa selskabi taasiissuteqarusunngimmat, tassa pineqarmat angutip mianersuaalliorujussuarsimanera, pissutigalugu seqqortartoq tigummillugu ikissimagamiuk, Christian Skødt tusagassiorfinnut nalunarummi allappoq.

Taamaasilluni ajoqusertup taarsiissutissat 120.000 koruunit missaanniittut annaavai.

Powered by Labrador CMS