Ineqarnermut akiliut ileqqaarnissaq pillugu iluarsineqarpoq

INI-p piffissaagallartillugu Namminersornerullutik Oqartussanut illuutinik piginnittutut 2008-mut missingersuutinik naliliisitsisimannginnera aappassaaneerluni nalunaaruteqarnermut peqqutaavoq.

Namminersornerullutik Oqartussat illuutinik piginnittutut pisussaavoq, najugaqarfinni naammaginartunik ileqqaagaqartoqarsimanera misissussallugu.

Najugaqarfinni ilaqutariinnut arlalinnut inissiartaqartuni attartortunut tunngatillugu najugaqarfiit missingersuutaat ima allannguuteqartinneqarput:

• Aserfallatsaaliuinissamut ileqqaakkat maannamut missingersuutaasimasunut naleqqiullutik 2,5 %-imik qaffanneqassapput.

• Najugaqarfimmi aserorterisarnerup akiorniarneqarneranut inissiap annertussusaanut m2-mut kr. 4-t immikkoortinneqartassapput.

• Najugaqarfinni annertuumik sumiginnagaasimasuni pitsanngorsaanissamut inissiami inigisap annertussusaanut m2-mut kr. 6-it immikkoortinneqartassapput.

Illuni ilaqutariinnut ataatsinut inissiani attartortunut tunngatillugu ima allannguuteqartoqarpoq:

• Najugaqarfinni ilaqutariinnut ataatsinut inissiani attartortut aserfallatsaaliuinermut ileqqaagassaat 2,5 %-imik qaffanneqassapput.

• Najugaqarfinni ilaqutariinnut ataatsinut inissiartaqartuni aserorterisarnerup akiorniarneqarneranut imaluunniit najugaqarfiit pitsanngorsarneqarnissaannut akiliisitsisoqartassanngilaq.

Namminersornerullutik Oqartussat illuutaanni najugaqarfiit tamarmik ileqqaagaat qaffanneqartariaqarput, taamaattumillu tamanna tunngavigalugu ineqarnermut akiliutit iluarsiivigineqarnissaat aqqutissaavoq eqqortoq.