Upalungaarsimaneq pitsanngortittariaqarpoq
– Kalaalit Nunaata imartaani umiuneq ajunaartorpassualik inuttut inuttut pisoq alianaruinnaartuuginnarani aamma takornariaqarnermik inuussutissarsiornermut aaqqitassaanngitsumik ajoqusiisussaavoq, taamak inatsisartut siulittaasuat Jonathan motzfeldt oqarpoq
Demokraatit inatsisartunut ilaasortaatitaata Marie Fleicherip qanittukkut Naalakkersuisunut apeqquteqaatigaa umiarsuaq takornariartaat Kalaallit Nunaanni ajutuussagaluarpat qanoq iliulersaarnersut.
Jonathan Motzfeldt tusagassiorfinnut nalunaarutikkut allappoq, pineqartoq ukiakkut ataatsimiinnermi inatsisartut ataatsimiittarfiani oqaluuserineqarsimasoq. Pineqartoq aamma Nunat Avannarliit Killiit Siunnersuisoqatigiivini oqaluuserineqarsimavoq.
– Pissutsit maannakkut taamaatillugit kalaallit nunaata imartaani annaassiniarnerit naalagaaffimmit ataqatigiissaarneqarlutillu aaqqissusseqatigiiffiusarput.
– Kalaallit Nunaata imartaani umiuneq inuppassuit ajunaarnerannik kinguneqartoq inuttut assorsuaq alianarluinnartuuinnarani aamma takornariaqarnermik inuussutissarsiornermut aaqqikkuminaatsumik innarliisussaavoq.
– Taamaattumik pingaaruteqarpoq, Naalakkersuisut maanna ullumikkut annaassiniarnissamut upalungaarsimanermut nukissat annertusarnissaat qulakkeerniartariaqaraat, pisinnaanngissorissaq qaqugukkut periataassagaluarpat, Jonathan Motzfeldt oqarpoq.