RC Entreprenørservice A/S aamma Greenland Resources A/S kattupput
Kalaallit piginneqatigiiffiat nutaaq - aatsitassarsiornermik nunalerinermillu piginneqatigiiffik Greenland Mining Service A/S - 100-ngajannik sulisoqartoq piginneqatigiiffiit nunanit allaneersut pitsaassutsikkut unamillerluarsinnaavai.
Kattunnerup Kalaallit Nunaata aatsitassarsiornerup iluani siunissami suliassarpassuarni suliassaqartitaaqataanissaa qularnaarpaa.
Piginneqatigiiffik nutaaq Kalaallit Nunaanni aatsitassarsiornerup iluani peqataasussaavoq nukittooq, taamalu 100-t tikingajallugit sulisoqarnermigut aatsitsassarsiornermik ingerlatsinermi sukkasuumik ineriartortinneqartumi kalaallit nunaanni nunalerinermik sulisitigut annersaallunilu piffartuussisinnaalissaaq. Peqatigitillugu piginneqatigiiffik kalaallit nunaanni entrepreniørit piginneqatigiiffiit annersaannut ilaanissaaq, Nuummi Qaqortumilu qitiusumik qullersaqarfeqartoq Kalaallit Nunaat tamakkerlugu sullissisartussaassaaq. Piginneqatigiiffiup soorunami siusinnerusukkut entrepreniøritut suliarisartakkani ingerlatiinnassavai.
”Kalaallit Nunaata aatsitassarsioqatigiiffiit nunanit allaneersut kiffartuussinissaannut pisariaqartitai suliffeqarfitsigut ataatsimoortumik tunniussisinnaassanngippat suliassat tamakku suliffeqarfinnut nunanit allaneersunut tunniussuunneqassapput. Tamanna Greenland Mining Service-p pilersinneqarneranut tunngaviit pingaarnersaraat”, Johannes Kyed piginneqatigiiffimmi nutaami pilersaarusiornermut pisortaasoq oqarpoq.
Greenland Mining Service pisortassarsiorlugu piginneqatigiiffiit marluusut taakku pisortaanissaq avataaniit pissarsiaraat, tassa Finn K. Mortensen, Kalaallit Nunaanni aatsitassarsiornermik ingerlatsinermi ilisarisimaneqarluartoq ukiullu 30-it sinnerlugit misilittagaqartuusoq.
Greenland Mining Service A/S Nuummi qullersaqarfeqassaaq, iginneqatigiiffillu Australiami, Amerika Avannarlermi, Europami nunarsuarmilu allani sukumiisumik imminut nittarsaassilluni aallartereersimavoq.
Misilittakkat, sulisut atortullu ataatsimuulersinneqarnerisigut suliffeqarfiit kissaatigaat immikkut tamakununga sullissisinnaalernissartik pikorinnerulernissartillu. Greenland Mining Service A/S-ip tamakkiisumik kiffartuussisinnaanermigut aatsitassanik piiaanermi suliassatigut tamatigut piginnaasaqarluartumik piginneqasaasinnaanermik neqerooruteqarsinnaallissaaq, misissueqqaarnermiit aatsitassanik piiaaneq ilanngullugu.
”Aatsitassanik piiaaneq aatsitassarsiornerlu sukkasoorujussuarmik ineriartorpoq, qularutiginngilarpullu aatsitassarsiornerup iluani tamakiisumik inernilimmik sullissisinaasumik angisuumik unammillersinnaalluartumillu sullissisussarsiortuqarluarsinnaasoq. Piffissanngorpat piginneqatigiiffiup børse-mi allassimalernissaa pilersaarutaavoq, taamaalillunilu piginneqatigiiffinni nutaani piginneqataalersinnaanernut periarfissat annertunerujussuanngussalluni. Taamaattumik Greenland Mining Service A/S-ip pilersinneqarnera inuussutissarsiornermut inuiaqatigiinnullu pingaaruteqarpoq”, Johannes Kyed aamma Finn K. Mortensen naggasiipput.