Pilersuisumi pisortartaaq sulilerpoq
Lars Behrendtip 44-nik ukiullip ukiortaamiit Kalaallit Nunaanni nunaqarfinni illoqarfinnilu tamani inuussutissanik atortussanillu nioqquteqarneq tamaat akisussaaffigilerpaa.
Annonse
- Manna sioqqullugu Danmark-imi ukiuni kingullerni 11-12-ini suliffeqarfinni assigiinngitsuni pisortatut atorfeqartarsmavunga, taamaattumik nunaqarfinni illoqarfinnilu ulluinnarni inuussutissanik atortunillu nioqquteqarfiit akisussaaffigilernissaannut qilanaarpunga, Lars Behrendt KNR-imut oqarpoq.
Lars Behrendtip niuertarfiit uigulukuttut tamaasa pitsaanerpaaffissaannut inissinniarnissaat annermik sulissutiginiarpaa.
- Imaappoq, Pilersuisup pisiniarfiini uigulukuttuni nioqqutissaataani nioqqutissat ataasiakkaat pitsanngorsaaviginiarpakka.
KNI A/S-ip Lars behrendtip atorfinitsinneratigut "pisiniarfinni uigulukuttuni niuernerpalaartumik piginnaasat" nukittorsarnissaat kissaatigisimavaa.
Pilersuisoq Sisimiuni qitiusumik qullersaqarfeqarpoq.