KL

DK

Oqaluffik ikuallattoq

Alluitsup Paa-ni oqaluffik tunngavikuinnanngorluni ikuallappoq.

Alluitsup Paani oqaluffik ikuallareersoq toqqavia.
Alluitsup Paa - Nanortallip pigisaaniittoq.
Alluitsup Paani oqaluffik ikuallareersoq toqqavia. Alluitsup Paa - Nanortallip pigisaaniittoq. Alluitsup Paani oqaluffik ikuallareersoq toqqavia. Alluitsup Paa - Nanortallip pigisaaniittoq. Alluitsup Paani oqaluffik ikuallareersoq toqqavia. Alluitsup Paa - Nanortallip pigisaaniittoq.
netredaktion (netredaktion@sermitsiaq.ag)

Ippassaq unnukkut nal. 20 missaani Nanortallip pigisaani Alluitsup Paa-ni oqaluffik ikuallalersimavoq. Anorersuarsimavoq assullu ississimalluni, taamaammallu ikuallanneq sukkasuumik siaruarsimavoq. Oqaluffik tunngavikuinnanngorluni ikuallappoq.

Konrad Ananiassen, Alluitsup Paa-niit, oqaluttuarpoq qatserisartut ikuallanneq qaminniarsimagaluaraat, isseqimmalli anorersuarlunilu tamanna pisinnaasimanngilaq.

Ikuallanneq qanoq aallartissimanersoq suli ilisimaneqanngilaq, ilimagineqarporli innaallagissap aqqutaata pilersissimassagaa. Ikuallatsitsisoqarsimaneranik takussutissaqanngilaq.

Konrad Ananiasseq ilanngullugu oqarpoq, ilagiit aaliangersimasut ullumi ukiortaap ulluisa siullianni nal. 16 oqaluffikup eqqaani tussiaqatigiittoqassasoq.

Alluitup Paa-ni oqaluffik 1926-mi sananeqarpoq.

nunatsinnit inuiagatigiit
Powered by Labrador CMS