Winter Cities 2008 Nuummi
Winter Cities 2008 piffissami januarip 17-ianniit januarip 20-iannut Nuummi ingerlanneqassaaq. Naatsorsuutigineqarpoq inuit nunanit allaneersut 200-t Nuummut tikissasut ataatsimeersuarnermi peqataajartorlutik.
Winter Cities nunani tamalaani illoqarfiit ukiorluttartorujussuit suleqatigiiffigaat, illoqarfinni ukiuusaartuni inuunermi periarfissanik unammilligassanillu sammisaqarfiusartoq. Aaqqissuussisut tassaapput World Winter Cities Association of Mayors. Illoqarfiit 20-it nunanit 11-neersut WWCAM-imi peqataassapput.
Winter Cities ukioq allortarlugu ingerlanneqartarpoq, Winter Cities-illu 13-issaat Nuummi ingerlanneqassaaq. Aaqqissuussisut naatsorsuutigaat inuit nunani allaneersut 200 missaanniittut tikissasut ataatsimeersuarnermut peqataajartorlutik.
Winter Cities 2008-mi taaatsimeersuarnermi ukioq manna sammineqassaaq "Issittumi silap pissusiata allanngoriartornera", ataatigut qulequtaralugit "Issittumi meeqqat inuusuttullu inuuniarnermi atugassarisaat" kiisalu "Atasinnaasumik ineriartorneq".
Aaqqissuussisut nalunaarutigaat Winter Cities 2008 pingasunik immikkoortoqassasoq, borgmesterit ataatsimeersuarnerat, imikkut ilisimasallit oqallittarfiat taaneqartoq "Forum" (Oqalliffik), aamma timersortarfissuarmi Inussivimmi saqqummersitsineq "EXPO", tassani Nuuk Kalaallit Nunaallu ilisaritinneqassallutik.